Kaca puniki kavalidasi
139
- Ri kalaning dina anu, I Kesuna jumah mandiri, katunden malelebengan, nyakan ngawe daran nasi, colok tuara ia mangelah, ka pisaga ngidih api.
- Raris kumah dadongipun, nyaru-nyaru ngidih api, kalih saang katampalan, kanggen mangendihang api, kapanggih ditu adinnya, mangangge sarwa mas manik.
- I Bawang tekenin ipun, sankane nganggo mas manik, paican paksi Kapondang, krana ia nganggo mas manik, keto tuturne I Bawang, polih duke nyakit ati.
- I Kesuna lintang nguntul, tumuli ngenggalang mulih, kacerita neked jumah, I Kesuna laut ngeling, katunden meme bapannya, ngidihang barang mas manik.
- Meme bapanne masaur, "Nah mendep eda mangeling, jalan alih jani luas," tumuli pada mamargi, ngalih I Bawang macara, idihin barang mas manik.
- I Bawang tan wenten asung, ngawehin barang mas manik, dening naan teken awakm katigtig satengah mati, meme bapan iyane budal, panaknyane muntag-mantig.
- I Kesuna patikacuh, kakenken dewekne nigtig, kadi nigtigin I Bawang, sausan ipun matigtig, pacang ngutang-ngutang awak, mangdene polih mas manik.
- Ni Kesuna daah-duuh, antuk sakitne tan sipi, ngantos ipun pepetengan, tuara eling ring punapi, setata dadi ucapan, I Kesuna dahat canggih.
- Manyusup sukuning gunung, alase wayah kaungsi, anut tingkahing Ni Bawang, majalan sambil mangeling, menek tuun jurang, tonden masih manepukin.
- Pajalane dahat keruh, awak batisnyane sakit, tuara ja madaar-daar, yan tuara políh mas manik, buka paican Ni Bawang, tuara lakar mulih-mulih.
- Pamargine sampun lesu, mararian batan waringin, matimpuh manunas ica, ngajap-ajap, Sanghyang Kawi, dumadak mamanggih bagia, kaicen busana lewih.
