Kaca puniki kavalidasi
Puh Sinom
- "Naweg titiang mapinunas, ngalemesin Beli mangkin, laba utama saratang, masawitrane sungkemin, yan titiang ngiring marabi, runtika pacang mapatung, wireh angkarane medal, paturu saling angkenin, selir palsu, reh angkenin twara gelah.
- Ulih pangangkene medal, kenehe ngodag tan gigis, saking kayune mangedag, ragane mrasa Bupati, baan rumasa ngagungin, pada tan suka kanduh, tur sami nagih marentah, yan tungkasin dadi jengis, meh mananjung, paling kidik dadi jaljal.
- Dadi sanget mapangenan, parentahe katempalin, ulun ati magejulan, tumben kateler ngagungin, bes aatan uling nguni, buat ngelah panjak tutut, dadi gereng salah aсерan, suka padem yan tan jerih, saget kalut, puput sedih kakeniang.
- Ngalih sukan makurenan, patuh ring manyagjagin, lawat kekelik mangindang, nika tutug ngalih etis, engsap teken peluh pidit, etis ganjah bakat ruruh, awinan Beli pinehang, titiang matur saking jati, pineh dumun, wisia sengguh amreta.
- Sangkan ngiring masawitra, sareng muruk ngalih jati, mangda Kresna Arjuna, saling jaga metoh pati, akeh labane kapanggih, saking pasawitran metu, lebih suka kirang duka, langkung untung kirang rugi, Beli Bagus, sampunang ja ngambil titiang.
- Ne jati jegeg ring jagat, panes tis manyukanin, tuu lanus tan pacacad, tan kaanan tua pati, sayan lami sayan becik, sayan wayah sayan luung, reh jati istri utama, Sing Sukla Brahmacari, istri ayu, sayan lingsir mamanjangang.
- Puníka becik rangkatang, aluh twara ngalemesin, sok yan jati Beli arsa, ngudiang ke titiang lemesin, jadma
118
