Kaca puniki kavalidasi
119
- gelis tua mati, pangampuhan sarwa letuh, kisan isin jejeron saksat, basang-basang pasuranting, lan peparu, ati limpane di tengah.
- Reh Beli takep indria, sangkan kejokan pangaksi, tan cingak sane ring tengah, sok ring jaban kulit aksi, kulit bawange ngilidin, yan kupak barak kadulu, mada ging wat pacrangcang, gragas makaput ban getih, twara buung, dadi banyeh to makejang.
- Jidendia lan sawitri, yan angkep sumingkin lewih, tan wenten kirang kagunan, waluya lembu Nandini, bisa ne ngicen sing kapti, sangkan anggen ruruang tuut, marga kenceng tan pacanggah, ngojog karas ne lewih, eda ganggu, Beli pacang ngambil titiang".
- Sang Sucita gelis nimbal, "Nika patut raos Adi, nanging kirang ngunadika, anggah-ungguh mangden uning, tan urung I Singa mati, yan paksa wehin ambung, I Lembu tan urung pejah, yan paksa mangsa icenin, ngudiang buduh, i beduda icen sekar.
- Sang Biksu ne mula wenang, manyukla brahmacari, titiang reh mula kendrian, awinan ngalih I Manik, ne katuju wantah tunggil, beda bekele kapundut, swadarmane elingang, paridarmane kelidin, mangda slingsut, tingkahe melanin đarma.
- Ane madan swadarma, amongan raga pitindih, ane madan paridarma, amongan wong lian wiakti, amongan i prajurit, mayuda mangardi luung, Sang Prabu magehang jagat, swadarman anake istri, pinih luung, yan nyidaang patibrata.
- Punika mirah pinehang, reh manik maraga istri, patibrata paling melah, anggen larapan ngalih suci, titiang mangiring I Manik, anggen srana kakung, mangden sida makaronan, saparan tunggal pamukti, Adi Ayu, 1inggihin pinunas titiang.
- Titiang sanggup twara tempal, sapakayuna mangiring, diastu manyajah kota, ninjo wewangunan rawit, jawat ka segara ngraris, malayar mangalih nau, ngawasang bungah segara, kliahan toya becik, ring das surup, Hyang
