Kaca puniki kavalidasi
117
- nuturang, besik-besik, bebacakan dasindria.
- Loba twara mangemedang, kasukane teken daging, ngalobaang gelah timpal, yadin saking nguluk-uluk, kewala suba mabahan, demen ngidih, twara ngitung ujar para.
- Moha solahe ne bangga, demen kakadenang ririh, reh andel teken kabisan, dadi wetu belog ajum, demen pesan kajunjungang, pongah juari, ngendong timpal di pisaga.
- Murka laksanane akas, setata maidep brangti, gedeg kenehe jalanang, wastu dadi ngadug-adug, salah tampi enggal pesan, babar pedih, andel. teken kakosenan.
- Himsa tong kapiolasang, laksana mamati-mati, teka serosa ngamatiang, sawatek ane tumuuh, ngalakonin sakawenang, ngapet pati, setata maidep kroda.
- Matsarya demen misuna, iri ati tidong gigis, mariceda demen pesan, ngaden awak paling luung, makejang anake cacad, dadi ati, ngumik timpal tong jangkaan.
- Sadripu ento makejang, kawatangang musuh sakti, musuh sajroning serira, setata magati satru, twara musuh di pasiatan, makewuhin, jati musuhe di awak".