Kaca puniki kavalidasi
1.32 GEGURITAN JAYAPRANA
Puh Ginada
- "Beli luas ka Terima, kandikaang manitenin, wong Bajo mamedil kebo, wong Grokgake telah rarud, sapasira ajak mirah, nene mani, luas kauh ka Terima".
- I Jayaprana angucap, "Prabekele luas sami, buka wenten petangdasa, nene ajak luas kauh, pajalane apang pradang, nene mani, masengketa di bancingah".
- Tumuli ngaturang daar, wong jerone mangayahin, sampun usan ya madaar, tumuli raris maturu, nyai Nyoman sampun pradang, ya manampih, lekesan mabuah nguda.
- Teken roko petangdasa, rokone suba madaging, di kompeke penpen reko, lekesane sampun puput, teken pipis karobelah, sampun tragi, tumuli raris masarya.
- Sampun liwar asirepan, I Layonsari mangipi, umahe ipiang reko, anyudang belabar agung, Londen tutug galang tanah, ya ngendusin, laut nuturang ipian.
- "Beli Nyoman Dewan titiang, matangi tiang mangipi, I Jayaprana lingnia alon, "Punapi ipian I Ratu, I Layonsari angucap, "Titiang ngipi, kelangan tunjung bungannya.
- Ilang anyudang belabar, kenten ipian titiang Beli, tan urung mamanggih kaon, mandeg Beli luas kauh, tan urungan Beli pejah," laut nangis, I Layonsari sigsigan.
- I Jayaprana angucap, "Lamun tuduh Beli mati, dija te Beli manongos, yadin te magedong batu, yadin makotak matabla, masih mati, sampunang manangis Dewa".
- Suba tatas galang tanah, I Jayaprana mapamit, I Layonsari semu bengong, yeh matane deres pesu, I Jayaprana majalan, tan panolih, sampun rauh di bancingah.
- Sarauhe di bancingah, pepek prabekele nganti, I Jayaprana lingnia alon, "Sapasira dereng rauh, I Sawunggaling angucap, "Sampun sami, maman ngantos cai Nyoman".
- Tumuli 1aut majalan, tan kocapan ya di margi, rauh di
105