Kaca puniki kavalidasi
106
- pondoke kelod, I Jayaprana katanjung, manyelempoh laut negak, Dewa gusti, mareren batan ketapang.
- Sampun ia ngrasa pejah, tumuli raris mamargi, sampun rauh di pabean, enggal lampahe andarung, rauh di Njung Tinga-Tinga, surup rawi, ditu jani marerepan.
- Bau mara tatas galang, tumuli raris mamargi, rauh di Grakgak reko, Patase sampun kaungkur, pamargine tan rerenan, megat ceking, tanjung Sirne sampun liwat.
- Banyupohe sampun liwat, sampun rauh di Pulaki, ditu marerepan reko, munyin macane pagelur, kidang nyeritin lawan manjangan, kaik-kaik, sampun tampekin daslemah.
- Satawana asauran, kalawan merak manyerit, sampun galang wetan reko, tumuli raris lumaku, tan kocapan ya di jalan, sampun gelis, Sendange wus kaliwatan.
- Rauh di Tanjung Rijasa, ditu kalangene lewih, bojog ma gayung-gayungan, pada ngempak-empak kayu, katon kadilap bunga, pagulanting, ada ngalapin woh-wohan.
- Marebut teken rowanga, luir Sugriwa lan Subali, marebutin Dewi Tara, Truna Laksemana nulung, sareng ring Sang Ramadewa, minta kasih, rowangnyane pablesat.
- Tan kawarna ya di jalan, kocap lampahe lumaris, rauh di Pegametan, enggal lampahe andarung, suba teked di rima, sirep sepi, I Jayaprana kocapan.
- Sampun ya ngrasa pejah, nanging benehe tindihin, yadin kene yadin keto, mareren di batan kayu, sarwi ya marerokoan, nene jani, I Sawunggaling angucap.
- "Masih maman cai Nyoman, maman kautus ne mangkin, antuk Gustin caine reko, apang eda salah sengguh, puniki surat paica, teken cai," I Jayaprana mananggap.
- Tumuli raris kapaca, salinging surate mangkin, "Ya tenani Jayaprana, twara sedeng bakal pupu, majalan nani pang melah, nene jani, konkon kola ngamatiang.
- Sisip nanine prasangga, mamaden tingkahing Gusti, somah