Kaca puniki kavalidasi
95
- Tumuli Hyang Guru nabda, ring watek resine sami, "Lah wong iki dudus lukat, didine marí aremis, lamakan wenang linggih, lawan widiadara kumpul, Nuhun Sang Saptadiksa, ginawa ring asuci, wastanipun, Suranadi kang utama.
- Wus asoca pabersihan, ingajak mantuk tumuli, was pinies jimayajaya, sapari kr amaning ind ik, wus nginum amerta luih, binusma denira puput, apaning asalin warna, nitiasa anom apekik, srenggareng rum, anut luir bagusing reka.
- Siang dalu mapaguneman, sareng lawan Widiadari, baas amet ing. lelangon, anukani enak budi, lunga ring pasir ukir, asuluh tranging sitangsun, apan raina sada, ring swara tan bisa wengi, nyabran murub, carcan manik suryakanta.
- Di sekala buin critaang, I Bagus Diarsa winarni, maka mwah Ni Sudadnyana, baan panake ngalahin, lega tong bisa sedih, wit pageh darma satuuk, masih nu buka suba, di jumah edek pakenying, boya sendu, ada gae magarapan.
- Anging tresnane kaliwat, kaswen-swen jani winarni, sedek pangarah wong desa, ba suud mang awiaci, nangun tetarab tinggi, wit wewiden Gusti Agung, uran matoh laksan, Bagus Diarsa kapasakit, apang ada, uran matoh satus lear.
- Bagus Diarsa bane nista, ngrasa dosa salah panggih, wireh awak daak dongkang, inget teken mene riin, duk namu nene lingsír, batis makadadua berung, lut mamunyi ken somah, "Nira luas mani nyai, ngalíh saung, pacang anggon nira uran.
- Nyai jumah apang melah, neng wengi galang kangin," Bagus Diarsa wus jagra, madabdab ayat mamargi, lantas ka sanggah ngambil bulon siape tetelu, teked di margine gede, lebang makatelung katih, buka wus, nyeler majalan nganginang.
- Bagus Diarsa nuutang, sayan doh sampun mamargi, ngaliwatin carik abian, masih nu beneh kangin, tegal alas kapanggih, tuun jurang menek jurang, bet trebis pringga
