Kaca puniki kavalidasi
96
- rejeng, sayan joh oleh mamargi, mandarurung, pragumian tawah.
- Mirib tuara sebeng jadma, suba liwat sapta giri manggih rendang jimbar-jimbar, teked kau teked kangin, kaja kelod nyemah sami, tuara pati ada kayu, sok padang ken ambengan, tuara ada ngenah ukir, nrawang-nruwung, sok langit tekening tanah.
- Linggahnyane apaliat, atma liu ditu kapanggih, nanging soroh watek papa, kapenasan nandang sakit, di tegale kumpul sami, mekajang nyilapin damuh, len di puncak ambengan, len atma rare kapanggih, tui mlalung, paerowet pada manampa.
- Kau mabulu makejang, len ada atma kapanggih, batan madurine negak, sedih masambatan ngeling, awak kere payah arig, mata cekok batis ebuh, mamunyi patihane, "Nguda kene Dewa Gusti, sengek gaung, sue titiang kasakitan.
- Nandangin panca sangsara, inget titiang sane riin, duke nu di mercepada, ada to ngelah akikit, santana jani ambukti, buka twara ngelah ibuk, gumaristik ngawenang bubuhang punjung akikit, bas kadurus, katungkulang len pangrusa.
- Manuukin kawisaan, "Ada len atma kapanggih, mabred saking mercepada, lui marerod lih muani, suud mabukur sami, gegawane sarwa liu, guling untek lan jaja, pada negen nyuun nyangkil, usan ibuk, idepe kalintang lega.
- Etis embon ngungsi swargan, buin atmane nraka sami , lui carem nyadang di jalan, anyud atine tan sipi, ngenot anake kapanggih, negen nyangkil ada nyuun, mawadah tamas ental, mamunyi alus, nyapati, "Dewa Ratu, titian manunas lungsuran.
- Ulam ring nasi asopan,"Ne idihin tong nyautin, mendep manjelan ngenggalang, ne mangidih lintang brangti, lan-tas megal ngrebutin, payu maibukan muung, manigtig baan timbungan, unteke anggon nimpugin, jangkeh ngulun, ne-ne kema mengurarap.
