milu kasengkalan. Yen caritayang mirib tan patanggu panyesele. Melah sineb baan lascarya anak mula nasiiib. Suud pada ngopi lan buruhe sampun kaicen ongkos, makejang mangkin mapamit. Gusti Ngurah ajak rabinne glindang-glindeng, alang-eleng nyingakin tongos buku-buku, kramik, gambaran, lan payasane lenan apang nyak pangid, manut linggah cupek kamare.
"Tuagung, menawi niki durung pas susunanne. Banggayang
benjang malih jagi wawanin malon-alonan. Mangkin kanggeang mangda puput ngatur genah prabote ring paon dogen dumun," kenten aturne Ratna Dumilah lantas ngajakin Meina ka paon matetamped. Gusti Ngurah ngambil okane ajaka ngindeng nyingakin tetamanan di natahe.
"Bu, ingetang ngae pejati, perani atanding, canang sari limang pasang, segehan telung tanding anggon ciri iraga nyelepin umahe jani. Ento Pak Mustamar apang menek ngalihang busung nyuhe ane di natahe," pandikanne Gusti Ngurah saha milu ngalapang bunga di tamane. Ada bunga gumitir, pacar galuh, sandat, kenyiri, muah bungane lenan.
"Tulung Pak Mustamar, alihang tiang busung amuncuk lakar ngae katipat lan upacara sembahyang maka ciri tiang nyelepin umahe niki mangkin secara saderana."
"Nggih Bu, niki kelapa gadinge ane endep wenten madaging janurne," aturne pak Mustamar lantas menek punyan nyuhe. Ajahan sampun polih busung amuncuk lantas baanga Ratna Dumilah. Ane paling simalu gaenina tuah katipat akelan saha isinina baas. Mara lantas ngae cemper saagan lan canang sari acukupan. Anggon ngae daksina lan perani apang enggalan cukup nganggon sampian entale. Kari matetoesan ngae canang sari dogen. Meina tundena ngalablab katipat, ngoreng dengdeng, gerang, kacang, sambel saur, lan dadar
370
