191. Yen sapunika depin titiang, bilih titiang mangemasin, saget bangun ngokok, diarep titiange ugi, busanan becik-becik, mapetuk pangeweruh, gumara ipun kawon, mang1awan Pan Bungkling, raris bangun, ipun manganggar kadutan.
25b.
192. Cokorda ida mirengang, yen keto kema ke mulih, dening iba liwat abot, kai nunden manulungin , ene ada nyaman kai, ia tunden kai nutug, madan I Gede Sa1oka, limang 1aksa ne nututin , ala ayu, panga bareng teken iba.
193 . I Gusti Agung manyumbah, mapamit raris mamargi, cokorde alon ngandika, tekening punggawa sami, ne bapa cai beli, ne gagecok nempuh cunguh, dening i raja Mekah, tuara jumah nene jani, gantin ipun, kalah tuara ngawa1esang.
194. Tungkula mapapondokan jalan pet gebug ne mani, umah nyane onyang borbor, masa ia mamelurin, panjak pada orahin, idewa Singala matur, maatur mangiwangang, becik dumun cingakin , lamun durus, irika ratu rarisang.
26a.
195. Yen kari ipun mangrawos, sampun pisan manduwunin, suka. tang tan wenten adoh, yadian kawu1a iriki, umah nyane celupin, tan pendah tabuane ugug, sami ipun matulak, mangamuk tan wenten nolih, dening ipun, mangetohin pianak somah.
196. Punapi ratu gawennya, mapako1ih tatu mati, sampun nden ratu ka1onjok mayuda tan mapikolih, becikan ipune ugi, kalah ban tumbak masawung, cokorda mamatutang, kewala ia nene mani, apang payu, majalan I Gede Saloka.
197. Matulung ka Pamamoran yen suba matangkep kali, ditu enggal cai ngongkon, maorahan teken beli, beli jumah macawis, ka Mekah bakal magebug, idewa Gede Saloka, manyumbah matur sairing, sampun puput, pangrawose di bancingah.
198. Panjak sampun kaarahan, sang prabu raris ka puri, mani semengan reko, idewa Saloka mamargi, prabekel pada ngiring, maadan I Singandapur, miwah I Singanbarong, to pada paek mangrapit, ne dipungkur, maadan I Singambara.
