183. I Gusti Agung mamatutang, yan idep titiange mangkin, mangi-
ring kayon pangrawos, padanda mangalih kanti, wenten ratu
asiki, kereng buwin liwat agung, cokorde Jaya Singa, ririhe
tuara nandingin, mula kasub, uling malu di Jagatra.
184. Ngelah panjak abelulang, dening titiang mula kasih, teken
titiang boya abot, yen ida rawuh ngantinin, nah cai Ketut
Kenjing, miwah cai Padang Gambuh, kema cai majalan, tongos-
in gelare sami, marep kawuh, eda kirangan prayatna.
24b.
185. Ne bapa Wayahan Ambuak, bareng ken bapa Sempidi, miwah
bapa Wayan Gedot, marep kelod manongosin, ira majalan jani,
mamarek cokorde Agung, Singa Jaya Lengka, bakal manunas
kantinin, Gusti Agung, sampun patut mangandika.
186. Batekne pangandikayang, sampun dane sami ngiring, tan ko-
capan punika reko, Gusti Agung ne mamargi, watara telung
wengi, mangliwatin alas agung, wus rawuh di Jagatra, sang
prabu sedek katangkil, para agung, mamarek beten manegak.
187. Tangkilane sami atap, tuah mairib gunung sari, antuk mirah
pakancorong, selet prabekel sami, manganggo pada ngendih,
dening anak agung-agung, iringang pacanangan, negakin para-
madeni, bagus-bagus, selahe kadi ring surat.
25a.
188. Titiang ratu kewehan, bilih-bilih mangemasin, tahen titiang
pacang kawon, kawulan i ratu sami, pacang kasila gumi, kadi
miik saput puwut, antuk i raja Mekah, sampun ipun manam-
pekin, jaga ngebug, nagaran cokor idewa.
189. Titiang kalintang prasangga, ne mangkin manunas urip, rupa
titiang ngijo-ngijo, linggih i ratune mangkin, titiang manunas
kanti, yan wenten ican i ratu, ngur ne sampun pejah, saksat
manguripang pitik, nene belus, titiang saksat sapunika.
190. Cokorde raris ngandika, to apa karanan kali, Gusti Agung ma-
tur alon, kandan ipun sapuniki, wenten selam adiri, punika
ipun mangamuk, kenken titiang mademang, akeh selam ma-
nulungin, sami ipun telasang titiang punika.
99
