175. Yan sang mabudi masukan, tuara pada kene sakti, ajak matungalan rawos, apan bannya menang sai, yen tuara ratu sakti, ento ratu nene papitu, ajak makakasihan, tuwukin sabudi-budi, panga cumpu, dadi mangetohang awak.
176. Telas sampung sapunika, satingkah-tingkahe kasih, tan wenten da dadi linyok, jana nuraga dasarin, wenten kocap malih, ting- kah magebug kagebug, akajaya kaprajaya, bapa ngaturang ne mangkin, keni sampun, polih mabecek-becekan.
23b.
177. Tan wenten polih pamenang, mapakolih pala mati, tan wenten gawennya ento, yan kari mangasah tanting, wenten imbannya mangkin, luwir jun dereng matunu, kakalih lut paluang, mapa- kolih pada mati, pada remuk, pada tong dadi tuptupang.
178. Yan ratu kari mangasah, satanding-tandinge dadi, miwah ka- saktine reko, becikan ne ajak kasih, yen sampun ajak kasih, irika cingakin dumun, yen suba ia kacidra, masa ka1ah ban ngembarin, ditu lawut, sang prabu manggawe siat.
179. Yan ditu mamapa mitra, eda suwud mangyatnain, sing nya kaget pada keto, pan ngawe piranti, kenken antuk mangitung- ang, apanga dadi katungkul, tuara ada ngitungang, manglawan anake buwin, ditu lawut, pasangin daya upaya.
24a.
180. Ada buwin ne hitungan, tatelu karana polih, saking pagelaran reko, len ada sekaring sugih, saking pamitra buwin, yan suba keto sang prabu, pedas ida ngelahang, samusuh-musuhe sami, ada musuh, keweh pisan mangalahang.
181. Musuhe ne lu wih wangsa, kadi munyine ituni, papitu kaucap reko, karana sang ngisi gumi, wiweka sai-sai, eda pati cela-celu, mamagehang sasana, puput sampun kapiragi, tingkah ratu, ne pada mangunang siat.
182. I Gusti mangkin kendonan, kenginan kulane kidik, tan wenten- wenten pangrawos, lianan ring mangalih kanti, yan engken kasenengin, ratune genah mahencub, apang sampun gelisan, tampek musuhe nekanin, keni sampun, I Gusti kuciwa daya.
98
