167. Mapuara ia matukar, tekening ne ajak asih, awake sai mang- linyok, tuara pageh dong awai, karana tuara da dadi, sang ratu tuara mamusuh, mangalih kakasihan, punika wilangin sami, ne rong puluh, puput wus darta hyang bapa.
168. Gusti Agung manunasang, padanda durusang malih, sampun nuglang pangrawos, yan encen nyandang kasihin, encen ratu- ne polih, yan engken unggwane luwung, nika malih nikayang, keni titiang sami uning, Gusti Agung, nunasang asapunika .
22b. 169. Sawur ida Gangga Sura, nah buwin alihang kuping, a pang me- dingehang rawos, ne pesu bawu akikit, anging akeh ne kari, ne atlan cacakan ratu, ajak makakasihan, ratu ne liwatang sakti, ratu sadu, demen teken kakasihan.
170. Ratune satia wacana, ratune pagehing budi, ratu ingsa karma reko, tekening dustane sami, ada toratu malih, ne mangelah nyama liyu, ratu dahat pariksa, papitu cacahan luwih, to sang ratu, sedeng anggon kakasihan.
171. Kenken to karana nyandang, ne satia pacang kasihin, tong duga pacang manglinyok, apan ia gurit wesi, sareng ia mang- emasin, dikadung nyane masanggup, ratune pepolosan, tuara mangawe piranti, teka nuju, manggawe Iegan samitra.
172. Tegteg ngisi kabenehan, yadin pacang mangemasin , yan ratu demene reko, jagati makejang kasih, yan ento kaendonin, liyu anake manulung, sengka pacang mangrujag, yadin pet ja1ema miskin, lamun tuhu, sai mamagehang darma.
23a. 173. Ratu nene manyalanang, manggawe mamati-mati, luwih pisan pacang anggo, kakasihan sai-sai, yan ada anake elek, yadin nto tunden .magebug : joh tuara dasida, pan demen mamati-mati, to sang ratu, gedeg pisan teken dusta.
174. Malih ne liyu nyamannya, tong dadi musuhe singin, teka mabudi mangendon, dening nyaman nyane sami, to sasat alas dwi, kudiang to pacang magebug, pragat suba totonan, buwin ratu nene sakti, sing mamusuh, tong kanti apanyagungan.
97
