159. Ratune liwating loba, ento panjaknyane sami, pada tuara dadi
tagok, gustine bas liwat, tong taen kapisinggih, saatur panjake
ditu, kalingke maan amah, aden manyepel di puri, dening ipun,
tuara da enyak masiat.
160. Ratune gedegin rowang, tunggal siat kakalahin, pan panjak
uling makelo, mangantemang sai-sai, tuara ada nakutin, sang
ratu pijer katungkul, dadi temahan kalah, tuara ada manakut-
in, dadi nglalu, payu mati padidian.
21b.
161. Ratu teleb ring wiyasa, heman pisan mangencanin, jalane luas
maboros, mapikat miwah mamancing, ditu tunden nyedutin,
tan urung ia manyampunuh, dening ia padidian, wiadin ada
manututin, tuah aburu, tekening isoroh pikat.
162. Yadin ada tua rawa, heman pisan angembarin, jalema sami
mamogol, nah ne buwin, ratu pati dayanin, ban mangelah daya
liyu, makayun maplagendah, patihe wartu nya elik, depin
ipun, lan gawenanga masiat.
163. Ratune manyacad dewa, padane ring upadrawi, tan urung ia
brasta tinon, bas tuara tuwutang Aji, karana mangemasin,
Dewa dandane katepuk, ratu tuara ngidepang ujar, betarane
luwih, tuara gebug,, ia suba enggalan ilang.
164. Ratu tan jeneking desa, sing jalan malali, di desan anake mon-
dok, panjake pada orahin, magilih tunden ngiring, tundenang
mangunjal sangu, ne kene papadannya, buka gajahe ne becik,
gede landung, luas ngendonin boaya.
22a.
165. Gajahe masih ia kalah, suba ke gede ken cenik, anak sipta
nyane ento, ne liyu kalah ban cenik, kalah ratu ne buwin,
nene liyu ngelah musuh, ban sai kembulinnya, akuda kerenge
jani, kereng ngamuk, pamuputne masih kalah.
166. Ratune tuara da bisa, masiat kalaning wengi, kene kalah nyane
reko, jalane kagebug wengi, buka goak kendonin, ban ceging-
an lan calepuk, dening indik i goak, tuara taen sabeng wengi,
buwin ratu, tan mangiring satia darma.
96
