135. Tungkal magebug kaciwa, tuara maan mamintulin, apan ia mamedil tembok, awake ngawales medil, tangkah ne kena bedil, kenehang nira manuntun, tong dadi balikanga, kewala suba ma1aib, suba-suba ibuk, titir tuara nyidayang.
18b. 136. I Gusti Wayan Ambuak, ambolto dane manyaurin, dab-dab mesuang rawos, I Gusti Kancana Sari, raris dane nyawurin, sareng Gusti Gadang Gambuh, iwang tahenang titiang, manah titiang ngamedalin, pacang ngamuk, manglawan siat tambaran.
137. Yan mangkin mataku gelar, manawi panjake sakit, becikan iturus tabon, punika anggen gelarin, yadin ge1are becik, kawulane liyu, masih tuara gawennya, sok maan parimbitrimbit, tuara angkuh, di jalane mali berag.
138. Para putra mamatutang, yen manah titiange mangkin, banggiang ja mati mokoh, nguda sangsarane alih, singa mawuruh jerih, padanda Wayahan Kukub, raris ida ngandika, mendep denan malu cai, da enden muwug, adengang mesuang daya.
139. Bapa nu manunasang ring I Gusti, yadin dangan yadin abot, yen suba pada mangiring, dening ucapan Aji , dingeh bapa nene malu, tuara nyandang kendelang, liyu manglawan kikit, yadin liyu, yan kena daya upaya.
19a. 140. Anak pepes suba kalah, ne liyu nglawan akikit, ne bawu dong pada ngrawos, engga1an sating gerengin, Gusti Agung nyawurin, durusang padanda Agung, wijilang mangandika, tan wenten nyandang pisinggih, atur ipun, jatma kari bajang-bajang.
141. Padanda raris ngandika, yen sapunapi ne mangkin, kayun mabahang rawos, wenten ujar sastra luwih, sakaring kajaniti, yen sang mabudi rahayu, punika ja margiang, sampun pisan mangiwangin, boya urung, pacang manggihin pamenang.
142. Niki Ida Gangga Sura, ririhe tuara nandingin, ida tunasin pangrawos, keni mamartayang sarni, ucapan Rajaniti, raris dane Gusti Agung, maatur manunasang, padanda mangandikain, sambil kenyung, puniki Gusti pirengan.
93
