127. Palinggihe manyungkangkang, sambilang masila sisih, kebus. 17b. atine mangorob, soroh rabi maekin, ada mangabin batis, ada manongos di pungkur, mandadi pasadahan, len ada juru kepetin, ayu-ayu, pantes isining jro pura.
128. Suba mangliwatin desa, manincap alas ne jani, dek-dek bah pakrosok, kayune sing kaentasin, buron pada malaib, manjangan singa lan ijung, macan kalawan bojog, sasa miwah biri biri, buka kepung, malaib pati badagal.
129. Menenga raja di Mekah, mangkat lawan para mantri, di tengah a1ase mondok, I Gusti Agung balikin, caritayang ne jani, mamireng jagi kagebug, baan raja di Mekah, salahe nunden ngembarin, se1am Dukuh, sapunika ne kaorta.
130. I Gusti Agung kajaba, prebekel pepek manangkil, sami kajaba mangrawos, makadi padanda sami, watek ne ririh-ririh, padanda Wayahan Kukub, Padanda Gangga Sura, padanda Wayan Rewati, pada putus, tekaning daya upaya.
131. Gusti Agung matur banban, padanda rawosang jani, tahen titiang lintang abot, ahtuk kawulane kidik, bas akehan arepan, tan wenten pacang macunduk, gelisan kaideran. manawi enggalan jerih, yadin surud, tan wenten pamenang.
18a. 132. Nah maman pada kenahang, apang mabaan manyapih, I Gusti Wayahan Gedot, sareng Gusti Ketut Kenjing, dane gelis nyawurin, manah titiang wengi ngamuk, mancangin bilang tangka, manawi nyen ipun lilih, titiang muwuk, mangraris teked ka Mekah.
133. Pelih to pangrawos bapa, yan mamuk-amukan jani, sing nya te mawuwuh abot, panjak tong kena ingetin, sing nya liyu manglengit, sing jalan-jalan manyingkrung, to kudiang mangasahang, idep nyane teken cai, dening, di petenge ia makaad.
134. Yen saking pangrasan nira, melah gelare kukuhin, da pati kalonjok, sok pepekang obat mimis, ento anggon ngujanin, di jalan-ja1an nya gebug, kema lawan mawos-wos, sing nya saget nyak jerih, dening luyu, maklo mapapondokan.
92
