kelo, mirib siate ditulis, sawatara apanalik, panjake samian luyu, ngidem mangejang tumbak, tuara ningeh angan esing, kaliwat luyu, uling semeng baan masiat.
317. Tuara len nene ipitang, masiat pasaling sabit, wen ten ipit malok-alok, ngorahang tuara nakutin, ne masiat sayan kidik, ne medem sumangkin liyu, Mekah miwah Jagatra, wang Pamamoran tan kari, para Bugbug, tuara ningeh pajagatan.
318. Kenjekan pules makejang, panjak miwah para mantri, tong dadi masiat reko, ban kiape buka mati, tan caritanan malih, ucapen I Gusti Agung, sampun ida sadar, bane mireng munyin bedil, para bugbug, sampun ida maputusan.
41b. 319. Mijil ka jabaning gelar, awasang kema nelokin, ada singnya wadon-wadon, putusan sampun mamargi, raris, matulak gelis, kaatur ia pacta suwung, sane maarep kelod, tan wenten kesiyengan napi, sane kawoh, rame bedile muang suryak.
320. I Gusti Agung ngandika, jalan pet pisan bancangin, jalan amuk uti kelod, dening benya ajak kikit, kenehang kai jerih, yan suba kena kaaduk, donga manglawan rowang, engken ingetinnya jani , dening saru, petenge buka kidemang.
321. Punggawa sami matutang, mangraris, mangkin mamargi, tuara ada pada mabobok, sampun wenten kalih nalik, suwen nyane ring margi, tan kocapan sampun rawuh, raris nabdabang, Pan Bungkling sampun ngenterang.
322. Dapetange siep pisan, tuara ada kesiyehan napi, sok angkian gerok-gerok, Pan Bungkling makisi-kisi, ne nguda siep dini, tosing ada ngan makeplug, sing ia suba piak, jalan pet laadang jani, dija bawu, tangos anake masiat.
42a. 323. To apa ngenah, sing nya bangke to ne dini, ento ada gerokgerok, jalan pet kema jarakin, sambil ngenyitang sundih, teka onyang gepluk-gepluk, raris prayatna samian, lawut mangenyit sundih, pada laju, pada ngenah pejulempang. 324. Wang Jagatra miwah Mekah, tuara ada mangendusin, Pan
116
