Bungkling matulak encong, mangaturang ring I Gusti, pules satrune mangkin, samian ipun manyingkrung, kawulane punika, tan wenten ngendusin , Gusti Agung, raris ida mangandika.
325. Jani melah amuk enggalang, sangkalanga pules jani, matur Gusti Wayan Gedot, iwang yen mangkin ceburin, wiaki kulan I Gusti, ne pules sami ia gelu, manahen kabancana, kangkat maadukan sami, salah sirup, wiakti ipun ngalawan rowang.
326. Becikan dundun endusang, pacucuh ipune malih, raryanang mangkin abosbos, ne nyanan raris kibulin, Pan Bungkling matur aris, tahen titiang nika patut, Gusti Agung matutang, tan ucapan nene mangkin, kangkat bangun, sane pules abriyukan.
42b. 327. Bane galang endag bulan, musuh rowang galang sami, tuara karok nang sanunggal, buwin ya pasilih bedil, masuryak pada tarik, ada kantuk pungu-pungun, I Mas Sura Dilaga, manegakin gajah bejit, karep ngamuk, sing kaparag pada bungkah.
328. Dening dewek pecak kiap, tonden mabahan matangkis, enggalan gajahe nomplok, karana tuara ada manolih, wang Mekah manelokin, sahana teka majukjuk, suryake buwin masereyok, prayatna I Gusti Kenjing, Padang Gambuh, sareng ken I Singambara.
329. Ngalawan I Sura Dilaga, manyagjag pada ngembulin, bareng ke I Singambarong, ngujanin baan suligi, wang Jagatra mabalik, mangenot Gustine ngamuk, I Mas Sura Dilaga, mangwales ban suligi, bah macebug, I Singambara katujah.
330. Raris bangun mangenggalang, lawut ia manyemak bedil, bareng ken I Singambarong, gajahe ne kapatitis, simpir mangenen cadik, gajahe sumingkin adawus, ngungsi I Singambarong, I Singambara malaib, saget rawuh, I Dewa Gede Saloka.
43a. 331. Karep mangecekang jaran, I Singambara mabalik, ngembotang bedil malekol, gajahe paek ne mangkin sampun keni kabedil,
117
