dane ne kaojog, prayatna I Gusti Kenjing, manyagjag manumbakin, I Bagenda malengketuk, becat ngincangang jaran, bumara mabinder jani, saget rawuh, I Gusti Gede Serangan.
309. I Bagenda kakembulin, masih tuara ngelah jerih, jarane samangkin nomplok, marerejak I Gusti Kenjing, I Gusti Ketut Kenjing, manumbak kena cacatu, betel teked kabasang, kena I Bagenda Ali, kena jagut, mametel terus kawunwunan.
310. Jarane ebah nungkayak, bareng ken bagenda Ali, kagorok raris kapunggal, antuk dane Gusti Kenjing, suryake malih tarik, masawang kerug kapitu, muah karepiaking tumbak, krebekan tunggul matampih , pada ngamuk sarwinya mangapak-apak.
40b.
311. I Gusti Gede Serangan, maningak musuhe lilih, lawut ngengelang makecos, bedile karepang gelis, rowang danene sami, mabalik pada mangamuk, nyepeg baan kalewang, manumbak ada mangitik, tuara kengguh I Gusti Gede Serangan.
312. Sura Samitra mamapag, lawut matitisang bedil, tamiange kena magledog, mapan makaput ban besi, malih ia kapindoin, I Gusti Serangan macebug, kena ditirus paha, getihe tong dadi mpetin, dadi laju, rowange nyaup malaibang.
313. Sampun dane kakadang, sahasa I Gusti Kenjing, bane gumara mangeton, Gusti Serangan dane kanin, kaarep sambil nangis, sareng Padang Gambuh, Raden Sura Sumitra, kakembulan nora gingsir, tuara takut, malih ngisinin sinapang.
314. Bawu mara mangembatang, I Gusti Kenjing nyagjagin, becat saget manglandok, sahasa ngerebutin bedil, bedile saling ambis, makeplug mangenen suwung, Raden Sura Sumitra, seret mangembusang keris, raris ngamuk, mapulih tuara nyangkayang.
41a.
315. Tangkep siate melah-melah, lintangan ken tengah wengi, panjak suba pada uwon, kiape jani ndulurin, len ada suba paling, numbak tuara da mangabut, lian to nene katumbak, mangwales ia manumbakin, tuara ngabut, lian nene kena kasempal.
316. Mangwales ia kasempal, enggalan katekan arip, siate suba ma-
115
