Wayan Gedot, ken bapa Gede Sempidi, bapa Ambuak aturin, tundenang mai manglawut, dini tangos mametak, dening ada daya buwin, panga tau, keto jacai orahang.
232. Ne kautus raris nyumbah, mapamit raris mamargi, I Gsuti ngandika alon, nah kema iba Pan Bungkling, mangenterang ne jani, ken nyandang tanemin bung-bung, to mara belog iba, Pan Bungkling raris mamargi, samput puput, antuk ipun mangenterang.
233. Wengi tuara kaucapang, I Gusti ngaluarin tangkil, diwusane macokbyoh, mangiderang arak manis, pada punyah ne nangkil, miwah dane Gusti Agung, merem di pasanggrahan prayatna nene makernit, limang atus, tuara bisa makijepan.
234. Sampun mangkin mupu kembang, sikep Mekahe mamargi, masuryak, pada mangokok, ne mangregah marep kangin, wang Gajatra nanggehin, sareng Gusti Padang Gambuh bawu manyemak sarnpun, raris kaesed ban badil, pacebugbug, pan- jake uli di Mekah.
31a. 235. Prayannya masasundulan, wang Gajatra tuara gingsir, sok mu- nyin bedil ngareped, mangujanin baan mimis, pada medil kabedil, wang Pamamoran malangsut, sambil masuryak-suryak, suryake saling sawurin, saget liyu bangken panjake di Mekah.
236. Dening mamedil sempana, jalema tong kena bedil, wang Me- kah liyu magosong, len ada mandus ban getih, ada matatu simpir, len ada kena balangsut, cunguh makupah-kupah, masih tuara ngelah jerih, pada mucuk, ndesek mambesbes kakuta.
237. Sing dumara nyemak gelar, katujah baan suligi, ada kaebahin penjor, kasangket ban duwin bandil, rasanya buka mati, kulite dadi mapelut, ada bumara elad, nene kasangket ban bandil, mirib gundul, dening kulit nyane ilang.
238. Sampun ngeres ne mangregah, ngenot nyaman nyane mati, masaririg, ngalih tangos, tumbake enu pakutik, I Gusti Ketut Kenjing, sareng Gusti Padang Garnbuh, dane maalok-alok, nah mai buwin paekin, masa belur, idong-idong wang Gajatra.
105
