Kaca:Geguritan Pan Bungkling.pdf/103

Saking Wikisource
Kaca puniki kavalidasi

pe nongos, ada samas ne mangumg, mangredeg uli kangin, I Singambara manguntul, negakin jaran belang, I Singandapur nyarengin, pada patuh, panganggone maka dadua.

224. Tegakane sami pada, mapajeng ban sutra kuning, dorian I Singamabarong, kapenge teked kapipi, mata gede mandelik, gidate masawang rutrut, negakin jaran barak, I Singa Krura nyarengin, pada bagus, sedeng anggon, juru perang.

225. Raris i dewa Saloka, wong ingandel pada ngiring, panganggone kawot-kawot, pada maselet garantim, soroh nene mangabih, tuara ada tuara papadu, I Dewa Gede Saloka, matunggul permas wilis, tuhu bagus, solahe negakin jaran.

226·. Sampun mangliwat punika, I Gusti Agung mamargi, mangredeg ngalinggihin gayot, mairib kala mamurti, pajeng agung amarapit, lengare nambaga sutsut, tuara kayun mendastar, bake inggel mamipis, mirib rawu , jalane manyaplok bulan.

30a. 227. Saorangka jajamprahan, pelet nyane liwat becik, atut madanganan togog, maselut mirah bang wilis, buta mangawa sari, jeneng dangane luwung, kerise pajenengan, maadan inpas sadi, sampun puput, payas dane Gusti Ngurah.

228. Para putra sampun mangkat, di malu sampun mamargi, panjak wus masoroh soroh, kanten antuk Pan Bungkling, dening ia kandikain, antuk dane Gusti Agung, nabdab sikepe reko, tan kaucap di margi, sampun rawuh, di sisin carike nyarang.

229. I Gusti Agung mararyan, sareng ken panjake sami, sampun mangunang pondok, maadan di Tegalwari, kantun dane ka- tangkil, antuk Ida Gede Kukub, padanda Gangga Sura, padanda Wayan Rewati, raris matur, ring dane I Gusti Ngurah.

230. Ne Cai Wayahan Ambuak, miwah I Gede Sempidi, kalih cai Wayan Gedot, bas monjok sakadi mangkin, becik pangandika- in, ne mangkin makiles dumun, dening wenten ubaya, apang ipun mapikolih, Gusti Agung, dane sampun mapatutan.

30b. 231. Nah kema iba kilesang, sasikep-sikepe sami, miwah bapa

104