31b. 239. Sambil dane manyuakang, jani enggalang pesuin, lawut mabin- der mangokok, wang Mekahe pada lilih, I Gusti Ketut Kenjing sareng Gusti Padang Gambuh, Gusti Gede Serangan, sami dane ngamedalin, pada ngepung, ngujanin baan sinapang.
240. Bareng teken wang Jagatra, ada alaksa mesuin, bareng ken I Singambarong, wang Mekah sumangkin lilih, tuara ada mapulih, wang Jagatra najuk-najuk, nayungin antuk tumbak, suba joh ne malaib, pada luyu, ne ngepung malih matulak.
241. Mang kajumahan gelar, tan kocapan nene dini, caritayang nene kelod, pagebug soroh babecik, watara limang tali, nene manyundul kasundul, pada negakin jaran, sikepe liyunan bedil, mangaruduk, suryake tan pegat-pegat.
242. Mangregah tuara majangka, wang Pamamoran lilih, pan mula nggawe kaketo, nyalanang dayan Pan Bungkling, asing kagebug ia lilih, wang Mekahe pada ngepung, pesu wang Pamamoran binal.
32a. 243. Pada mangejerang tumbak, wang Mekahe manandingin, asing tuh mangomplok-ngomplok, sing tuh ia katongosin, bawu med- dil kabedil, wang Pamamorane ngamuk, pada manantad tum- bak, wang Mekah kabet manangkis, dadi sisu tong dadi ngabe- tang tumbak.
244. Enggalang kena katumbak, ukana ngawales medil ngisinin tuara ada tongos, ban sekseke, saling jepit, pada tuara ada bani, wang Mekahe nuwut endut, antuk jalere dawa, maneked ka- tunggak batis, dadi labuh,. di jalane maincangan.
245. Sok munyi pati kareyak, malaib mangutang bedil, ada dumara makecos, kabut baan gagitik, wang Pamamorane sami, galake jani memesu, ngamuk tuara majangka, manumbak, meeg ma- medil, ada nulup, ada nebek ban kadutan.
32b. 246. Suryake tan pegat-pegat, soroh nene mangepungin, munyin bedile ngareped, prabekel pada matari, ngenot panjake lilih,
106
