158
6. I Mladprana sawur sembah, "Yan tan krawos titiang sisip, mangda di
ratu sweca, wus karyan titiange mantuk." Padanda ngandika banban,
kadung jani, bin mani nutugang brata.
7. "Nah depang bapa padidian, ane jani tulak mulih, cai kema juwa bu-
dal Nuli sami mangkin mantuk, tan kocapan roaring jalan, sang Mayati
sampun rawuh pasraman.
8. I Mladprana sampun teka, ring Purbawyanjana mangkin, tur ngandika
ring warginnya, Wakparusa Kawitweruh, "Nah ne jani pitulusang, sa-
reng sami, ngundang braya Jan sawitra."
9. Kawitweruh lan warginnya, Wakparusa sareng sami, "Sumaur sampun
ngobetang, nah dewa kema aturu, reh sampun tampek rahina, ne bwin
mani, nabdab karya tur mangundang."
10. Puput bawose punika, sami aturu ne mangkin, tan caritanan punika, Ni
Dukuh mangkin kawuwus, raris ka Bumipratana, tur manangkil, ring ida
prabu Nirbana.
11. Sarawuh Ni Dukuh drika, sang Nirbana muwus aris, "Tembe sawitrane
teka, lami twara taen pangguh." Ni Dukuh raris manyumbah, matur
aris, "Inggih ratu sang Srinata.
XLV. PUH SINOM
1. Krana titiang semeng prapta, sawireh titiang miragi, i ratu kari jajaka,
yan wen ten kayun ring rabi, niki titiang wenten manggih, wong pawes-
tri lintang ayu, ngaran Ni Janggaketakia, patut anggen isin puri, jati pa-
tut, i ratu nyanding punika.
2. Mangkin dane kasedihan, wireh kapetemwang gelis, ring mindone bocok
pisan, krana osah tidong gigis, yan i ratu mapakarsi, nene benjang rawuh
katur, kewanten titiang mamitang, patih druwene asiki, mangda tumut,
muwatang gajah palinggihan."
3. Prabu Nirbana ngandika, "Wa Dukuh pitulus ugi , manyambungin pasa-
witran, yaning suba sadia keni, dadi munyin wane jati, wekas yan me-
rang i satru, yan wa katkaning pejah, tiang misadia nyatianin, ala ayu,
mangda kapisareng uwa."
4. Ni Dukuh matur manyembah, "Sane ken I Gusti Patih, pacang manya-
rengin titiang." Sang Prabu ngandika aris, "Iba Patih Bayahuri, iba nu-
tutin Wa Dukuh, ne jani iba majalan, gajahe jua tegakin." Patihipun,
mapamit raris mamarga.
