157
13. Kala pejah mata dadi paksi raja, alis dadi alang taji, waja watu jlada, li- dah dadi titi gonggang, ati dadi petra geni, rambut curiga, karna asu yaksa dadi.
14. Ikang weteng dadi gua gala-gala, cangkem sidamalang dadi, irunge puni- ka, semut marungut dadinya, krana sandang plajahin, kang dasa sila, dasa bayu ika malih.
15. Nah ne jani nyai nyadia mejah bapa, bapa matakon ring nyai, yaning tawang makejang, bapa manyerahang jiwa, yaning nyai twara uning, ento kayogia, urip nyai bapa ngambil.
16. Nah to ada madan Nawasanga, nawa asia ran eki, sangane masih asia, pelekutus pawakannya, ane magenah ring nyai, patunggalannya, sapa ika kang sujati.
17. Makamiwah kang sujati ring sarira, ulupuwun miwah nabi, kalawan siwadwara, dija tongose nunggalang, i manah lawan i budi, idep ring sabda, rniwah genah engsap eling.
18. Makamiwah kranannyane i manusa, bisa seger bisa sakit, apane makra- na, nah encen atmaning atma, ken dewa pitara jati, yan durung tawang, da enden malu nagih urip."
XLIV. PUHGINADA
1. Ni Dukuh mahatur banban, "Inggih ratu sang Mayati, gung ampura ugi titiang, antuk prasanggane langkung, twara uning ring kalingan, mam- bek rusit, kadharmane kadi titiang.
2.Titiang ne mangkin misadia, niru kadharman sang Yati, mangda Padan- da suweca, ngalukat mangda ia lebur, samala patakan titiang, tur nywecanin, pituduh indik kawikwan.
3. Sapunika atur titiang, nging titiang mangkin mapamit, ring sampun Padanda budal, rika titiang parek nglungsur, sapaindikan kadharman, tur ngaturin, i ratu panguriyaga."
4. Padanda alon ngandika, "Yan sujati keto nyai, nah to liwat patut pisan, jani kema nyai mantuk." Ya ni Dukuh matur nyembah, tur mapamit, mangraris dane budal.
5. Ri sampun NI Dukuh budal, Padanda ngandika aris, ring Mladprana Wakparusa, "Nah kema jwa cai mantuk, bapa sangsaya di manah, satrun cai, sampun nungkul manawita."
