Kaca:Geguritan Mladprana.pdf/160

Saking Wikisource
Kaca puniki kavalidasi

156

XLIII. PUHDURMA

1. Ana Sang Hyang tanpa awak tanpa sarisa, kunang awak nira iki, sajawa pinaro sanga, geng ira dadi pratiwya, socan ira kiwa dadi, ikanang wulan, soca tengen dadi rawi.

2. Tungtunging panon ika dadi lintang, kedeping panon mangdadi, ikang tranggana, bayun ira nadi baywa, ambekane dadi angin, wen ira dadia, truh-truh ikang langit.

3. Idep ira dadi kedap kukusing raga, anadi mega wredi, sirah ira dadia, pancer ikanang buwana, sirep ira dadi wengi, dadi rahina, satangin ira sujati.

4. Lidah ira mangdadi punang manusa, bungkah lidah dadi girigi, papu- suhe mangdadia, ikang sastra mwang ongkara, atin ira dadi geni, kang weteng ira, mangdadi kawah wiyakti.

5. Muwah ana kama pat luwir nira, dadu abang ireng putih, dadu dadi kli- wa, ane putih dadi lanang, ane abang dadi istri, kama ireng punika, mangdadi manusa luwih.

6. Kunang ika ingaranan kama petak, Sang Hyang Suryakanta wyakti, kama ireng ika, ngaran 'sang Hyang Lalermanga, kama dadu ika dadi, Sang Hyang Grahakanta, abang Sang Hyang Candrakanti."

7. Durung puput Pandanda nutur ngandika, kaget rawuh Dukuh sakti, ma- cunduk ring marga, tur mojar ia kabangan, "Ne Padanda jeneng ngurip, I Mladprana, krana murip dadi mulih.

8. Twah Padanda langgana ngejotang jiwa, jiwan Padanda tangarin, sing buwungan pejah, reh dosane langgana, bani ring Dukuh sakti, sakti tan pada, di gajate ngresresin."

9. Sira Mpu ngaksi ni Dukuh ia galak, samatra norang wedi, tur alon ngandika, "Duh nyai sakti angkara, jati bapa twara wedi, rehana imba, Sang Hyang Siwa mambek rusit.

10. Nyadia mejah anak tan adwa dosa, meseh sukune ne jani, gentos ban batis kuda, teher ida abiseka, Sang Hyang Aswapada yukti, reh nyingid ida, abiseka Sang Hang Lenging.

11. Krana ida ngaran Sang Hyang Nilakanta, wireh kasatan wus lilih, polih ngarayunang, toya racun bangken dara, wawu ring weteng wiyakti, gelis wangsulang, tulungin ban mreta luwih.

12. Luwih ke nyai nu madewek manusa, musuhe di awak sami, karna cu- nguh mata, cangkem lidah ati basang, bulu giri miwah alis, dasa make- jang, dadi musuh idup mati.