Kaca:Geguritan Mladprana.pdf/163

Saking Wikisource
Kaca puniki kavalidasi

159

5. Ni Dukuh mamitang lugra, raris mangkat sareng kalih, tan kocapan ma-
ring marga, ring Purbawyanjana prapti, wenten sampun tengah wengi,
Ni Dukuh angucap alus, "Gusti driki manyantosang, titiang ndewek
mrika mangkin," tur ntalawut, Ni Dukuh ngranjing mulihan.

6. Manapetang anak katah, uwopane cenik kelih, ditu jumah I Mladprana,
Ni Dukuh raris nglekasin, masangeng sasirep luih, sami ia lelep aturu,
ada pules nyekuk timpal, ngisi pancak geris geris, ane eluh, ngisi busung
nganggar lemat.

7. Ni Dukuh jani ngrarisang, kapasaren jani ngungsi, kapanggih I Mladpra-
na, Ketut Oka lan Warsiki, lelep aturu maplilit, Ni Dukuh raris ma-
nyaup, kagosong Ni Ketut Oka, kagenahang maring asti, ia Ni Dukuh, ri
sampun puput matampiang.

8. "Nggih Gusti aturin titiang, nyuratang mangkin akidik, picang ring I
Mladprana, nikayang ragane ngambil, mapuri ring tengah pasih, siwosin
parab i ratu, unggahang Janggaketakia, mamesenang krana mai, sapu-
nika" I Patih raris manyurat.

9."Ne ke cai Mladprana, malah cager ngupkup istri, luh caine wake nyu-
ang, adan kai Paranglungid, maumah jeron ing pasih, krana kai teka laju,
somah caine mesenang, puput ngawir adung, duk ia makirene ngalas."

10. Puput nyurat sapunika, Ni Dukuh ipun mawali, ngenahang surat punika
maring samping Ni Warsiki, wus ngenahang nuli mijil , mojar, "Gusti ngi-
ring mantuk." Tumuli raris mamarga, tan kocapan maring margi, se-
meng sampun, ring Purbawyanjana crita.

XLVI. PUH DEMING

1. Uwopane bangun sarni kapupungan, Wakparusa Kawitweruh, mitaen ka-
tempuh lacur, raris ka gedong ninjoin, panggih sareng kaliy nidra, Ketut
Oka nora kantun, sang kalih punika, ugah mangkin katanginin, raris ba-
ngun nungdap-undap, Wakparusa muwus alus,

2. "Ketut Oka dija cening tumben belas." I Mladprana muwus alus, "Ti-
tiang tan wenten mangguh." Puput mojar nyingak tulis, tur kapaca pu-
nang surat, pidagingan surat iku, nyritang kamalingan, Wakparusa laut
ngeling, peswan nyritang ring kadangnya, warginnya ngeling pagelur.

3. I Mladprana sakit ati liat nrawang, paramangkin cuong acum, atine
ngahngah puun, kakolongan mrasa uwing, saliyun jadma i rika, rasa ia
kalintang suung, dadi mabyayuan, tan karungu kadi tulis, nunggil
wenten anak prapta, kaden Ketut Oka rauh .