150
8. Sakewanten pinunas titiang ring gusti mangda sweca, nglukat memen titiang, mangda wusan mambek rusit." I Mladprana tur sumawur, "Duh dewa sang kadi Ratih, waged weruh ngetug manah, eda sangsaya ring kayun, gambel pisan atur titiang, mangiringang, sapituduh i mas ma- nik." Sang Ayu nanggal angucap,
9. "Kalih wenten pinunas titiange gusti ring i dewa, ring sampun yang manjak, inggih yan saget i gusti, sampun waneh ring pakayun, sam- punang nggih saking singid, tan tresna ngalih dalihan, nadiapin ratu tan cumpu, eda mamuwikin titiang, saking sipta, mangda saking terang gus- ti, wecanane teken titiang."
10. I Mladprana nuli nyawurin, "Aduh dewa, mangdoh ratu titiang, twara tresna saking jati, jati titiang twara takut, pacang mangetohang urip, sakewanten ratu sweca, iring titiang mangkin mantuk, mrika ka Purbaw- yanjana, diapin suba, titiang mangelah kakalih, sing ja asah ring i dewa."
11. Sang ayu tumuli nyawurin, "Inggih titiang, tan wenten mitulak, ratu riyinan mamargi, titiang ring pungkur i ratu, mangdannya sarwan aki- dik." I Mladprana ngidepang, tumuli alon lumaku, Sang Ayu maring pungkuran, mangregepang, panawut jiwane sakti, nyusup bayu idep sabda.
12. I Mladprana mangkin keni kasilib punang jiwa, macepol kaleson, bu- ngeng putek ikang ati, ndatan kawasa lumaku, peteng salwirning ka- haksi, Sang Ayu raris nangsekang, sampun waluya Ni Dukuh, nguyup sahasa nyedayang, I Mladprana, wus matinggal ikang urip, layone kadi sirepang.
13. Ia Ni Dukuh rehing lintang sengit pisadiannya, praya ngararisang, ka Purbawyanjana mangkin, wireh galang kangin sampun, Ni Dukuh ia raris mulih, neked jumah manapetang, layon dadwa tanpa ulu, I Rudita lan Dustaka, ia Ni Dukuh, mingkin sengit mretag-mretig, nyelsel awak tan critanan.
14. Crita layon Mladprana mangkin gading nyalang, katekan prabawa, ujan raja angin riris, teja guling kuwung-kuwung, jagat langit sami kuning, kilat tatit masliweran, ujan bunga miwah lindu, miyik layonnya irika, ngalikubang, ngebekin ategal miyik, tambulilingane ngarang.
15. Kawitweruh ne mangkin eling bangun nrajang, tur dane manyagjag, Mladprana katampekin, dapetanga sampun lampus. Wakparusa nglur ngeling, Kawitweruh nigtig awak, mangeling ia sengu-sengu. Turin mojar beli budal, "to ngorahang," lawutang ka alase jani, matur ing Mpu Wre- diaguna.
