Kaca:Geguritan Mladprana.pdf/153

Saking Wikisource
Kaca puniki kavalidasi

159

Sampun puput dane ngrangsuk, pangenduh pangasih jagat, Kama ratih, sampun sami karagayang.

13. Raris turun maring tegal, galang bulane nyandarin, rupane mangayang- ngayang, pamargine ngararantun, masamita kasedihan, mangkin prapti, ring arep I Mladprana.

XXXIX. PUH PANGKUR

1. Turin matur sembah dulur tangis, "Aduh dewa, sang kadi Samara, ba- guse nora padane, dharma pageh kadi Wisnu, sweca ring aminta kasih, maka pangembonan jagat, wireh sadguna i ratu, sandi stana naya kriya, swagata sraya, ikang ingaranan sandi, pageh ring luihing sabda.

2. Reh uning ring uguaning ala becik to sasana, naya bane tatas, naya paya ala becik, dwigata wruh rengan iku, ikang sabda ala becik, kriya pageh- ing kadharman, wruh upayaning satru, twi adoh apereksa, tur triguna, i sakti sura wani, sami sampun ring i dewa.

3. Ikang wani reh tan ana kajerihin miwah sura, tan ana katresnan, ikang ingaranan sakti, kadep ing wirawos patut, reh sapta upaya gusti, danda upeksa kesama, indrajala surya iku, dana makemiwah beda, sang ke- sama, pada-pada kaweruhi, saktinya juga asama.

4. Ikang dana asung ring kawelas asih aweh teda, miwah kahuripan, upeksa wruhing ala becik, panglaksana ndatan gisu, yan durung terang sujati, danda dosa ikang salah, beda tan panuting laku, indrajala pala cidra, twara singse, putusing pangindra warih, ikang marya iku wenang.

5. Mangentosin parupanya jati sakrepa, ajur-ajar kewasa, sakama-kama anadi, indriyane nora kantun, sakadi toyane ening, kasundarin antuk surya, dadi langit tanpa hembun. sucining mala malilang, sujatinnya, ratu pamuputing luwih, ranagan sarin pranayama."

6. Mladprana kasusupan ujar manis kapiwlasan, tur kenyung ngandika, "Aduh dewa saking napi, ongane nikang dumun, manusa Wi- dyadari, sweca ngerawuhin titiang, napi pisadian i ratu, nggih nikayang ne ring titiang, da ngidalem, titiang nyadia maninutin, saparan kayun i dewa."

7. Sang Ayu tumuli nyawurin, "Aduh dewa, krana titiang prapta, misadia ngalungsur urip, temen titiang dane Dukuh, reh kuciwa sampun lilih, sampunang ratu mademang, titiang pisarat ngalungsur, ipun, mangda mahuripa, inggih titiang, teka panukunning urip, nyadia manjakin i dewa.