151
16. Kawitweruh nu ditu manongosin Wakparusa, raris mangkin budal, teked jumah ia mamunyi, midartayang tingkah lacur, "Nah dewa kema ne jani, kategal Janggalatrena, bapa pacang mangalawut, nangkil ring Mpu Wrediaguna, "Tur mamargi, Wakparusa sada gati, tan ucapan lampah ira.
XL. PUH DEMUNG
1. Ketut Oka lan Warsiki jani nyingak, pracirine maring bungkung, ngenah tanpa ulu, cihnan I Mladprana mati, puput nyingak ngawas ika, macepol kayunne lesu, tanpa atma galang, tumuli raris mamargi, gempor dempo sukun ira, nglawanin masih lumaku.
2. Pamargine sareng kalih lintang kadat, ring margi ndatan kawuwus, satekede ditu, layone masemu kenying, rasayanga macapatan, Ni Warsiki ngelut suku, mangeling sigsigan, dane Ni Jangga Ketaki, garegetan lawut niwang, ban parnrat kayunne sungsut.
3. Ni Alit Warsiki ngumik masarnbatan, "Inggih ratu sang alampus, lasan sajai ratu, ninggalin titiang i miskin, napi sih puwaran titiang, idupe nandangin sungsut, sungsut rusut erang, wirang wireh katinggalin, bane tresna liwat elas, elusa atine kepus.
4. Enyen tolih titiang malih yan uripa, arepe nresnin i ratu, jani suba lampus, tidong ajak titiang mati, yan ratu papa naraka, titiang anggen dasar ratu, yan ratu mangguh swarga, nggen panyrowan titiang gusti, kwanten sweca ngajak pejah, ban eling manahe turut,
5. Reh titiang mautang urip mangda jiwa, mangkin anggen titiang nawur, nawur utang meme guru, kenken ratu dadi nengil, enyak ngajak apa twara, yadiapin suba tong cumpu, kabatek ban nyalah, dongda meneng kayang jani, nikayang ratu terangang, suudang nggih da marengut.
6. Nirgawe lunciping aksi yan liyepang, kemikane manis muluk, nirgawe yan tan kenyung, pangandika mengad manis, nirdon yan tusing ngandika, ngandika nggih ratu bagus, suudang muwikang, titiang twara ngrasa sisip, sajawining salah tresna, tresna nurut sapakayun,
7.Twara ja bani nulakin sapatitah, titah jani nemu lacur, bane undukang katepuk, tepuk lacur erang sakit, sakit ati liwat osah, osah asahe mangrusuh, nyakitin imanah, manah bakti tong katampi, wireh tulis lintang ngampar, nyalampar munyine puntul."
8.Ni Warsiki ngasih-asih maselselan, duhkitannyane agunung, twara surud nyadia lampus, pedange nuli kahambil, misadia manuwek raga, raris
