131
ban dosane lintang jaruh, jerih rahayune teka yaning urip, arepa tan
surud ala.
15 . Ala rusuh liwat tangar, ngaden awak paling ririh, tur sakti tong ada
pada, pada jani alih musuh, meseh rupa twara tawang, tuwi sakti, nesti
neluh naranjana.
16. Kai kanti I Rudita, utusane dukuh sakti, ngamatiang I Mladprana, nyai
apang katur idup, muali nyiwi I Rudita, muah Warsiki, mamanjak teken
I Rudita.
17 . Ditu mara ia ngarasa, ngrasa ban mahan nyengahin, jengah sama pacang
pupuang, nyadia ningsal tulus nungkul, nenggel yeh matane membah,
mimbuh gelip, wangsul dadi wewangsalan."
XXVII. PUH GINANTI
1. Ni Warsiki nyangga muwus, "Nyai Pancapuspa sakti, ngantinin ia I Rudita, masangup nulakang kai, mamanjak teken Rudita, sida ban kaine
ganjih.
2. Tuna bakti tanpa tutur, tuna sastra tanpa Widi, tusing nawang asan jengah, tan weruh tingkah astiti, kewala abesik ada, nyadia tan nadwin
muani.
3. Kaling jani suba cepung, bebas katawurang dini, nguni duk kari magelan, lami kai katinggalin, Rudita masangin guna, tur nyewaka tan katampi.
4. Nto apang iba tau, ring sungleng kaptine nyiwi, yadiapin sida ban iba,
nyedang dane saking nesti, nica matiang duta sumbar, janten pejah manyatianin .
5. Reh eling atine pulung, misadia wantah mamesik, satekane pacang tatak, jele melah apang dini, nadian ke twara kaswecan, nyadia twara
keseh bakti.
6. Sujati aketo mulus, pantike nyai minehin, tulung teken I Rudita, laksanannyane pedasin, kadi guru teken sisia, apang da salah lugrahin.
7. Apang da kadi i blatuk, mangolasin macan sakit, kadi prabu Narantaka,
ring Dusasana Sakuni, kadi lutung sareng macan, nyadia ngamatiang i
kambing."
8. Mretawati nyangga muwus, "Krana payu mangantinin, yasa punika
kaucap, nulung sang newaka bakti, kadi Hambawati suta, tumulung ring
mahamuni.
