130
2. Jegeg nyane nedeng bajang, teteh nabdab nutur mai, "Kai jani nyatwin
iba, twara kai ati madu, sadian kaine manyama, dini nyiwi, ring dane
I Mladprana.
3. Ngastiti mangda yuwana, panjang yusa suta wredi, braya wargi mangda
restah, sasomahan mangda lulut, puput pageh guru lakia, minakadi, astiti bakti ring Hyang.
4. Dong ja keto buka iba, teteh mamisuna gidih, gidih pongah ngetuh jahat, buwang meleng cangih jaruh, genit magadgad masubia, twara dadi,
ban iba mangret manah.
5. Manah kadi cakrawaka, saksana nglemesin mwani, mameteng nyingid
majalan, jalan kene jani tepuk, buka tepuk keneh jengah, budi sakit,
sukat ne budiang tong bakat.
6. Bakat sakit manah erang, urung mahan anak mwani, diapin ngenyud
manganyudang, payu jengah mahan rengut, bene ngagen ngawe rengat,
katengilin, tengal jani ban maliyat.
7. Twara sida ban nyelekang, nyelek mata pongah jwari, tuhan ring panyannyan belah, wat matane pegat rampung, mam tu tong makijapan,
saksak-siksik, nyurere mahirib galak.
8. Wireh mabudi ring pasta, pastuna tendase jani, ngalih cunguh congah
bakat, misadia macentok ngrebut, ngrebet keneh apang bahang, ne mabuncing, buncangang apanga jengah.
9. Jengah wireh twara nyidang, nyadangin nepukin pelih, peluh bane salah
parna, kaden madui mamadu, madu manis raket tresna, mamanesin,
muwunang muwane barak.
10. Barak ban berek di basang, krana malawat kasisi, bas kasusuban matindak, tundika atine berung, apa jani anggon ubad, yan lolohin, leleh
lilihe kacihnan."
11. Keto munyin Ketut Oka, Ni Pancapuspa nyawurin, "Duh nyai Jangga
Ketaki, tehteh breteh jwa mawuwus, mawuwas kenehe ngaban, me
swang munyi, patrubus kenehe ngranang.
12. Jangkeh jangkung dadi iba, bane kangkang dadi kingking, ban jaruh
krana kajarah, nganti ngalas nyusup gunung, ban milihin dane garang,
buka gining, gineng ngulurin indriya.
13. Indriyane kalintang corah, corah nadwin anak mwani, sai kenehe ma-
canggah, canggih bisa mangamuk, mauk tekening gagelan, mai nyiwi,
nyiwi ring I Mladprana.
14. I Mladprana lakar nraka, pastan nyane magargaji, iba borbor besi barak,
