132
9. Nyai tan aweh manulung, wireh murka twara gigis, ndatan kahanan piwelas, ne lara malih jengahin, yaning aketo makejang, ne sakit malih
tigtigin.
10. Ne bocok tong ngelah angkuh, makejang ajak ngedegin, ngadug adug
dadi ia, elek takut twara kari, jengah pedihe mapunya, payu punyah
ngalih kanti.
11. Ban suwene wirang sungsut, singset mahan kanti luwih, gantin ia mamanggih sadia, ban nyak I Mladprana drenggi, Mladprana ganti sasar,
yan tan madharma ne jani.
12. Yan nyak dharma pisan nungkul, nangkil ring Rudita jani, uliang Ni
Jangga Ketakia, maka panukuning urip, ring ki Dukuh mangadpada,
manawi ia kari urip.
13. Yan tan bakti sinah gempung, tong gampang kari maurip, kija laku manyawita, yadian ring wikune sakti, Ni Dukuh twara ngewehang, reh
ngambel panugran luwih.
14. Sida sida sapakayun, amejah yadian tan sisip, yaning paksa mangalawan,
ri saksat ngenyatang pasih, ngrapahang gunung Himawan, kadi slaba
ngungsi api.
15. Tan wangdea manggih puwun, puwen-puwena nyakitin, sakadi patih
Suwanda, kadi kumbakarna nguni, matinnya mangguh sangsara, krana
ngayuh pisan jani."
16. I Mladprana nyangga muwus, "Pancapuspa Mretawati, nuduh kai manawita, tan jangkayan meswang munyi, tan weruh ring unadika, mangdoh
kai mamisinggih.
17. Reh iba sakadi bangkung, ne buang to kademenin, Ni Dukuh miwah
Rudita, keneh reged tan sinipi, kadi sekadi bramara, tan sah aptine ring
sari.
18. Mangdoh pacang dadi adung, satunggune kari urip, melahan ja nyai
tulak, orang ring Dukuh sakti, miwah teken I Rudita, apang sepalan
tangkepin.
XXVIII. PUH DANDANG
1. Jati kai tusing wedi teken sakti ambek dusta, panglaksanan iba, sinah
kadanda ring Widi, asta corah aran iku, kai jani manuturin, ane madan
asta corah, ingsaka mejah sang patut, codekah saking kenkenan, mang-
amatiang, anak twara ngelah sisip, bojekah natum tan salah.
