125
13. "Inggih yaning sapunika, titiatlg mapamit ne mangking." Raris dane tulak budal, saketede jumah gisu, ngongkon nunasang dewasa, dewasa ngambil, muwang dewasa pawarangan.
14. Utusan dane mamarga, manunasang sampun polih, raris tulak mangkin budal, maring I Mladprana matur, ngambile bin sia dina, mangararis, pawarangane irika.
15. I Mladprana raris ngucap, "Yaning sapunika beli, mrika beli mangkin ngundang, ring wong desa ngidih tulung." "Nggih to gusti da ngitungang, titiang ngiring, ngotang karya pawarangan."
XXIII. PUH SINOM
1. I Tantulak mangitungang, mangundang desane sami, i wong desa pada egar, nyakap karya pada gipih, pada cumpu manulungin, tan crita karyane ditu, ne mangkin malih sutwayang, indike sane i tuni, crita ditu, irika ring banjar Kasta.
2. Mangkin dane I Rudita, miragi orta sujati, sampun prapta I Mladprana, sareng I Jangga Ketaki, Ni Warsiki katambanin, sampun seger kadi dumun, turin sampun kapatrimang, mitulus bawose nguni, pacang durus, mabuncing bin sia dina.
3. I Rudita ibuk manah, misadia ngalalu mangkin, raris ngrawuhang rencangnya, sarawuh rencange sami, tatindih pangorob wargi, akwehnyane tigang atus, turin katuturin tingkah, krana nama sakit ati, ktarek sampun, sami mangaku pitresna.
4. "Nah ke cai beli pada, yan tresna saking sujati, keneh icang ngwalatkara, ka Purbawyanjana jani, diarep bapannya ambil, Ni Alit Warsiki ejuk, yaning ada kumawirang, siyatin apanga mati ], mangda payu, tiang matemu bin sia dina .
5. Buwin ada katuturan, yan sida sakadi kapti, polih istri ngwalatkara, diarep raramannya ambil, nika patemone luwih." Sami sumawur mamatot, jani manabdab sanjata, seket mangaba gagitik, seket urug, satus pedang satus tumbak.
6. Puput bawos sapunika, maluwaran pada mulih, mangambil punang sanjata, sampun sregep malih prapti, risampun makumpul sami, I Wuruju mangkin rawuh, raris mapitaken nyagjag, "Cening kenken kaptin cai, krana kumpul, sregep mangaba sanjata."
7. I Rudita mangkin ngucap, kapidarta punang kapti, I Wuruju masam-
