126
bada, "De juwa aketo cening, diapin Ni Jangga Ketaki, jani lajuang ban ipun, jeneng mula to karmannya, nah bapa nuturin cai, ada tutur, sang prabu Cedinagara.
8. Sang Cedi ngelah gagelan, mangaran Diyah Rukmini, kahambil antuk sang Kresna. Cedi wirang payu mati, cai nyadia ngwalat ngambil, Ni Alit Warsiki iku, ada satwa sang Rawana, kalawan Dewi Janaki, masih lacur, pejah tekeng wandu warga.
9. Yan ngalanang drati karana, miwah paradara wyakti, sang agama mamidanda, nah bapa nuturin cai, solah tan patut ambahin, yaning ngalih anak luh, eda pisan saking kosa, sahasa nto kelidin, yaning purug, tan wangde mangguh sangkala.
10. Mrejo ngalih di pedeman, amrugul ngalih ring beji, amalat diarep kadangnya, mlagandang nyuwang ni margi, mamegating apus malih, nyuwang gegelan wong len iku, amungpang malih adanya, yan sing nyak embusang keris, nyuang nak eluh, lawut ngadep madan ngiwat.
11. Yaning nyuang somah anak, ane madan ngaud mangris, muaninnyane lawut matiang, angatel adanya malih, sedek jumahan ia ambil, muwah ane mungpag laku, ngrusak nyuwang somah anak, drati krana aran iki, pradareku, to makejang madan salah."
12. Keto liu paingetnya, nanging tong kagugu sami, tan carita durus reko, kadi kaptinnya mamargi, nanging manda bagia jati, cutet sami kawon ipun, keni sasirep samian, pada tong ada ngedusin, bayu enduk, crita watek Mladprana.
13. Sinamian ia pada budal, dening satru sampun lilih, bapan Warsikine kocap, ipun endeh manyarengin, mangkin budal sareng kalih, kumah Ni Warsiki nyujur, Ni Warsiki alus ngucap, "Jeneng bes makita mati, krana nglalu, mai mangejotang jiwa.
14. Twara ngelah paitungan, ngadu wanene padidi, anake kadena getap, ngaden saktine padidi, onya kaden anake jerih, keto yan jadmane ngagu, bes punyah ring pakenehan." Keto raos Ni Warsiki, tur masawur, "Bapa seger jani teka.
XXIV. PUH SEMARANDANA
1. I Mladprana mahang urip, jani cening plegang bapa, anggon bapa nebus jiwa, buin mula uling suba, cening mula magegelan, duk i guru pada enu, nah jani cening titigang."
