120
ti, pantes matatakan emas, titiang sa ksat timah blacu, tong pantes nyanding i dewa, nyadia langgah, ban meret manahe ngilis, tong dadi tulakang titiang.
5. Titiang matur ne ngranayang lek tan kari yaning suba, keni salah tunggal, demen sebet sedih sakite, yan banget keni puniku, ilang jwa eleke sami, mangkin titiang kasusupan, kasamaran ring i ratu, hretin titiang mamilara, sbet kebukan, ngranang dadi sakit ati, merat tong dadi lemperang.
6. Blasak uyang ngamah tong marasa nasi yan pulesang, tan mari nguramang, yan lalíang sumingkin eling, lilayang sumingkin ngalu, nglalu rawuh mangkin mriki, nyadia nyewake ring ida, ratu pang da nyalit ka yun, kayun kuda ne ring titiang, nah idepang, suduk cicing berung gudig nyupat pitrane kasasar.
7. Yan sampun ratu sweca mangkin teken titiang, nggih ubayan titiang, ngiringang sapatuduhe, yan titiang nitia ring atur, mangda kadanda ring Widi, nah salampah lakun titiang, mangda nemu tan rahayu, wekas yan malih manyadma, twi ping sanga, mangda manjakin i gusti, anggen titiang pajekjekkan.
8. Pangda ampat mangkin kayun gusti marna titiang, jumbuh bungut ilar, nagih pisan pidonin arsan, ane nyandang dadi tuku, malih ne yogya siyatin, titiang nyadia mangiringang, wireh saking bakti mulus, mamitang swecan i dewa, nah idepang, pinunas i lara miskin, rawuh nglungsur panyupatan.
9. Kadiangganin titiang taru gusti kasangsaran, layu kapanasan, i ratu gulem pabane, sweca nyabehin i dusun, bengar begeh parejani, mangkin bebasang nyuwecang, mangda sampunang i ratu, sakadi wastrane melah, yan sepelang, sapasira sane uning, sajaba pacang ngetngetan.
10. Yan upami kadi jadmane sugih tet ngeretang, nunin ngamah nganggo, kasugian sepel pang ilid, ilid kaparanin pandung, keto kaupaminnya gusti, pineh pisan atur titiang." Keto I Rudita matur, angin nglinus upamannya, panglemesnya, kayun dane Ni Warsiki, sekadi gunung tan obah.
11. Tur ngandika sepet manyaurin, "Pang bedikang, i dewa ngandika, titiang twara bisa nampinin, ratu pang da nyalit kayun, titiang nunasang abedik, krana jeg laju ngandika, kenken titiang cingak atu, ring samita jawat tindak, maka miwah, ortane pireng i gusti, napi cangih maklanyiran?
12. Bane ada katuturan anake istri arang pisan, pageh leser manah, sadurungna mahan ngalih, tunjung mentik duwur batu, tukad akah leser
