121
becik, pasih twara maparangan, jeneng to elingang ratu, krana jwari mai teka lagas, bane marna titiang ganjih, tan patutur maklanyiran.
13. Titiang matur ne mangkin ring gusti sujatinnya, manah i manusa, tan bina kadi paksine, bina goba len kayun, siyos tadah siyos munyi, krana patut ngunadika, sang nyewaka mapakayun, pangda katelonjok ngawag, upaminnya, bojog celeng bahang miyik, asu kambing wehin wastra."
14. "Nah sakadi ratu ngandika mangkin teken titiang, sami nirdon pisan, titiang pitelas tan ngiring, yan i dewa mapakayun, bapan titiang juwa lemesin, enyak kosing ditu karwan, yan titiang alih i ratu, sinah pisah tusing bakat, manah titiang, ring waduk i guru sami, ma ra dane manitahang."
15. Rudita nuli nyaurin nyangga mojar, "Krana titiang plapan, ring i ratu matur riyin, dening titiang sampun kebus, nglemesin bapannya riyin, raramannya sampun lega, panaknya mangalih angkuh, payu titiang mahan jengah, asah pejah, dadi kakedekan gumi, congah tong jwari maliat.
16. Krana matur nunas bebas ring i dewa mangkin, yanjantan sweca, sinah titiang nglalu dini, apang pisan dini lampus, titiang tan nyayangang urip, napi malih antos titiang, lali tan pacang nu idup, idupe twara kasidan, krana nyandang, ne jani emasin mati, mati mabela i dewa.
17. Nto pilihin ne ngken pacang enyakin dua pilihang, urip lawan pejah, yan pageh ratu ne jani, baktine teken i guru, pagehang ngamong ne pingit, tan ngidepang atur titiang, tan urungan ratu lampus, yan sing mati kacekukan, meh mapedang, yan ratu nyayangang urip, idepang nggih atur titiang."
18. Ni Warsiki tumuli nyaurin alus banban, "Titiang twara wedia, mati pacang kapedangin, yadiastu mati kacekuk, sing ja pindo titiang mati, jani mati mahan ambah, saking bakti ring i guru, yaning jani takut pejah, jag maserah, nistaning istri numadi, urip nraka tekeng pejah.
19. Keto pragat atur titiang ring i gusti twara obah, becik pisan budal, ring puri malih pinehin. " I Rudita tanpa saur, mace bur ngadebros mulih, ngamokmok manyesel awak, "Napi nemah titiang ratu, amunika antuk titiang, manyewaka, prade masih tan katampi, pisan jani ngalih guna.
20. Raris luwas numbas guna sane luwih up as mandar, muah panangkeb jagat, jaran-guyang guna lilit, campur talo lengis duyung, guna Sunda mrajah luwih, jangkep luwas atengah bulan, polih guna warna pitu, numbas aji siu leyar, mangkin tulak, ka Purbawyanjana malih, sahasa masangang guna. .
