119
6. I Dalidra nadak daya, raris ipun manyaurin, "Titiang praya ngadol gelang, pender miwah ali-ali." Ni Warsiki manyaurin, "Indayang edengang malu." Raris ipun mangaturang, Ni Warsiki mananggapin, tur karangsuk, bungkunge tekening gelang.
7. Sami jwa sedeng luwunga, kadi sikut sampun pasti, bungkunge tekening gelang, lintang seneng Ni Warsiki, tur ngandika sada kenying, "Aji kuda sami iku, yaning sampun patut arga, embok misadia mameli." Sang kautus, tumuli ngenjuhang surat.
8. "Punika surate paca, janten arga siki-siki, pender bungkung kalih gelang." Ni Warsiki ngambil tulis, urin kapaca ring ati, sami paridarta sampun, nuli dane mangandika, "Embok matakon ring cai, surat iku, kija konkona ngaturang?"
9. I Dalidra matur banban. "Titiang nikangan mariki, mangaturang ring i dewa." Bawu munika kauning, Ni Warsiki ngembus gelis, pinggel bungkung tur sumawur, "Yaning keto kema tulak, embok tuara nyak manampi, tuara urun, pacang dadi juru titah."
10. I Dalidra nuli tulak, satekede jumah jani, ngaturang keben lan surat, satingkah sampun kauning, I Rudita mananggapin, nanging kayune tan ngugu, ring ipun sampun pareka, pisan ke deweke jani, mangalalu, kama ngalih Ni Warsiki.
XX. PUH DANGDANG
1. Puput mineh laut mamargi gagelisan, tan kocap ring jalan, rawuh jumah N Warsiki, Ni Warsiki sedek nunun, ngaraga ngijeng ring puri, biyange luwas madagang, gurunnya sedek ka kubu, nengokin isin pabyanan, krana sunia, awinan Rudita polih, manyogiog jeg nyanding negak.
2. Kablegbegan Ni Warsiki mamunyi aduh dewa, "Nggih titiang nunasang sa king napi jwa i gusti, na pi pisadiane rawuh." I Rudita manyaurin. "Titiang saking Banjar Kasta, krana titiang mangkin rawuh, misadia manunas ica, ring i dewa, nanging mrikine manyingid, sa mpunang nggih nyalit arsa."
3. Saking lami antuk titiange gusti ngeret manah, wireh ngrasa pisan, ring dewek bodok gudige, tan paguna tumbuh lacur, kadang warga twara sudi, salihke kadi i dewa, mangdoh ratu pacang kayun, wireh upa minnya dewa, yan ring wreksa, i ratu i nagasari, pantes linggayang ring pura.
4. Yan ring sekar cempaka i gusti yan patutang, dadi bunga bancingah, mapi kadi prada malih, ring Prancis sutrane adung, yan soca mirah i gus-
