118
srusa, nglungsur suwecan i ratu, nggih mangda i dewa, nitah titiang idup mati, kawanten sweca nywecayang, to ne pingitang i ratu.
9. Wantah mula saking sujati atur titiang, kewanten ke bakti bungut, wireh titiang lacur, tan wenten anggen nulurin, nulurin manahe tresna, mangaturang dewek lujug, luir kadi paindekan, mangdoh sida nitah angin, kadi wayang nitah dalang, keto upaminnya ratu.
10. Titiang matur ring i manik yaning titiang, tuara bakti srusa culup, du madak ja titiang ratu, sahidupan sakit hati, mangda mlarat ngarat-arat, salampah nemu tan patut, wekas yan ring pejah, mangda titiang mati ngipi, sander kilat tan paujan, mangda nraka mati idup.
11. Ataman titiang manda dadi entip kawah, mangemasin sepa tahun, tan dadi manusa iku, wekas yan malih numadi, dadi sane kagedegan, lalin tah nyulati kalung, iris-iris poh punika, uled bijal miwah cacing, endep namu-namu ika, ndatan kasupat satuwuk.
XIX. PUH SINOM
1. Sapunika atur titiang, punika cihnaning bakti, mangkin katur ring i dewa, bungkung di tujuh asiki, pendok bedbed makarapit, miwah ginaran cap gadung, maduluran cakrawaka, susiah atine asiki, pinggel ipun, dantane masoca mirah.
2. Samalih pender cap nyonyah, pupur miwah sabun miyik, miwah wastra berem cina, papetete leler kuning, suntagine sutra randi, sasulaman sampun paut, sinjang plangi sutra gadang, slendang sutragosa becik, tenunan ipun, macoblos makembang Cina.
3. Puniki aturan titiang, samatra anggen caciri, wekas yan sampun i dewa, sweca ring titiang iriki, ditu titiang mangulurin, saledang kayun i ratu, nganggo prada sasongke tan, mas sasocan miwah pipis, malih ipun, ngawentenang imian-imian."
4. Sampun puput dane nyurat, raris ngutus jadma alit, Cai Dalidra kema luas, ka Purbawyadnyana jani, kumah dane Ni Warsiki, manging mangda cai nyaru, mangaturin dane surat, maruntutan keben cenik." I Dalidra narima nuli mamarga.
5. Ndatan kocapan ring marga, sampun rawuh sane mangkin, maring Purbawyadnyana, osek manah nyane mangkin, dikalan olih manangkil, nabdabang pacang masawut, saget Ni Warsiki teka, medale praya ka beji, ngucap alus, "Cai cenik uli dija?"
