117
5. Adeg lanjar pamulune putih gading lempung nyalang, pangide mangonyang, sing solahang ngarimangin, solah waged semu alus, pencad ring pakaryan istri, nyongket ngendek manyulam, melah pakaryannya kasub, sandang jani to buatang, lemesin kema, bilihne sadia katampi, raris dane mangiring nyurat.
XVIII. PUH DEMUNG
1. "Inggih punika tulis anggen jalaran, mangda olih marek matur, nguningang manahe lulut, wireh mahadohan linggih, mangda ratu sahu ninga, ring titiang subakti culup, yadian doh magenah, manah titiang nampek sai, atman titiang tan marenan, meket ring ragan i ratu.
2. I ratu wantah kahesti peteng lemah, ring ati mata magantung, tong bisa lali sadawuh, tuara dadi jwa silurin, yan hret mingkin mamerat, blasak tan kena aturu, layu tan paneda, yan pulesang tan sah ngipi, ngipi sareng i dewa, ring pamereman adung lulut.
3. Makesyab bangun ngusudin ngarapata, gabag di sampinge suwung, jmak gagulinge kupkup, aras dupdup pangelingin, mrebes mangenang gawang i ratu tan wenten uning, uning ring titiang sangsara, sakit nyedihangi ratu.
4. Sakite tidong agigis yang upamiang, kadi paksi kumayaum, misadia pacang makebur, mangulati punang bukti, mangdoh ke pacang nyidayang, reh upami kadi jukung misadia malayar, tanpa bidak tanpa kantih, keto upaminnya titiang, jani mangaptiang i ratu.
5. Wireh pakayun i gusti adoh sawat, rasa selat pasih satus, tegeh di langite pelung, selat alas pangkung iding, madurgama kalintang, ne mangemit ngresin kayun, kakia buaya lan ula, warak singa macan asti, yan titiang pakan merika, tan urungan lacur lampus.
6. Matine pacang ngulintik tan papwara, wireh durung polih matur, nuna sang kayun i ratu, krana titiang matur mangkin, buwat manawegang pisan, nunas ica ring i ratu, mangdane pasweca, yadian tan cumpu tan apti, diapin gedeg geting ida, tan wangde titiang manyulsul.
7. Sawireh manahe tiling sampun ngajah, culup nyungleng ring i ratu, buin sinah tong ada laku, pacang nyewaka ngubakti, yan tan i ratu sweca, tan urungan titiang ngimur, nahanang duhkita, manyakitang jua i gusti, gusti helas tan piwlesan, olas teken titiang lacur.
8. Ratu sang mustikeng ati inggih sampunang, drenggi duleg mapakayun, babeki ring titiang lacur, ngawe jengah mangawakin, titiang jati sakeng
