116
14. Ngelut bahu, matuntun raris mamargi, pamargine ngregah, lesu ban
bayune nipis, bilang apangked mararyan.
15. Raris mojar, "Nggih adi Jangga Ketaki, beli bedak pisan, kakaolongane
tuh aking, tunasang ko beli toya."
16. Raris nunas, ipun Ni Jangga Ketaki, sampun kicen toya, kawadahin don
tamutis, "Duh puniki beli toya."
17. I Mladprana, polih nginum toya suci, panawar japanya, krana pranane
nglilir, ne mangkin nuli mamarga.
18. Tan critanan, ring margi dane ne mangkin, ne mangkin carita, ring
pasraman sampun prapti, kayogin kajaya-jaya.
19. Wus kayogin, aturu dane ne mangkin, tan kocap ring wengia, benjang
semengan matangi, sampun dane ngrasa kenak.
20. Kenak nyingak, tatamanan lintang becik, bunga sarwa endah, pudak
cinagane ngrawit, ring sor batu lempeh ngenah.
XVII. PUH DANGDANG
1. Tlaga linggah di tengahne bale cenik genah masucian, tunjung manca
warna, di sisinya sarwa sari, bunga sarwa kuning kawuh, barak kelod
putih kangin, sarwa selem biru kaja, di madya sawarnan santun, gadung
mlati lan angsana, muang katrangan, canigara mnuh jampiring, terate
tanjung campaka.
2. Sawarnaning sekar ane mrik wenten drika, tan sandang caritang, tlagane
matepi sari, tanjunge ahas masepuk, inab ia ngaturang bakti, sangga-
langite nyurambyah, inab ngalap-kasor ipun, menuh gambir sari-kosta,
rasa nywaka, naga-puspa lan sokasti.
3. Ngrempayak cara nyapa, to krana sang ayu Jangga Ketaki I Mladprana,
kanggek ring sor pudak, di batune lempeh ngetis, kadurus manonton
santun, raris ngalap pudak mangkin, kaempu pinakang putra, tambuli-
lingan ngariyung, rasa makidung nyangkrimang, Ketut Oka, ngucap,
"Niki beli ambil, emban sih anak idewa."
4. I Mladprana mananggapin tur mangucap, "Ngiring adi budal," ka Pasra-
man sareng kalih, tan kocap dane iriku, I Rudita kocap mangkin, mapi-
neh nabdabang manah, pacang malali manganggur, ring tatagon Mlad-
prana, aran ira, Sang ayu Alit Warsiki, bawu mara menek bajang.
