98
4. Sakatah atur i miskin nunas ica, tan ngawales yag mamatu, jani pisan barutu, panglemese tan katampi, kadi ngamunyinin tunggak, tunggake atine uwug, sedeng janine mangawag, nyen jua bin elekin, i bapa ia suba lega." Keta kenehe ngalalu.
5. Raris ia mangancing kori tur nangsekang, Jangga Ketaki kaejuk, baong-nya kagelut, wastra sinjang kalukarin, pupu dada katitihan, kakarsa turin karumrum, Ni Jangga Ketakia, laut nyakar tani gigis, lintang paksa maplawanan, Rudita ia telas renyuh.
6. Rudita ia nyumingkin manyajaang, sengit ngocok ngantos peluh, I Ke- tut Oka lesu, tambis keni kahaworin, raris ngawetuang daya, mangda kasidayan luput, ento ne pingitang, alus anggen pangalalis, ngalempe- rang keneh ia, pesu munyi ngalelunyuh.
7. "Nguda beli sapunika tan ngubdayang, kayune pacang salulut, inab wenten pacang ngrebut, sapunapi sengguh beli, krana titiang tan ngiringang, wireh titiang alit kantun, andeyang kadi i bunga, durung kembang pusuh kari, kranane sedeng antosang, yen jati saking pakayun.
8. Mapakayun nganggen becik nah dabdabang, boya titiang ngapus atu, manah titiang bakti mulus, mamanjakin linggih beli, dulurin paleganbapa, nyumingkin kenehe pulus, mamanjak mangayah, idup manggih legan ati, sareng beli ring pamreman, makilit sai majangkut.
9. Kewala mangkin jantosin tigang bulan, kala ditu titiang nurut, mangiringang sapakayun, peteng lemah jua mabuncing, kenken yan asapunika, ngapus kayunin i ratu, duh inggih yan ing titiang, nora satia manglinyokin. mangda titing temah pitra, sakit enyag tumpur agung.
10. Niskala salahang Widi ring sakala, atu nyisipang satuuk, gela-gela titiang ratu, pinunas titiang ring gusti, sajeroning tigang bulan, mabelasan yan aturu, beli i rika diwangan, di kamare merem sai, mangda sampunang sangsaya, sekalane mangda pangguh.
11. Pinunas titiang ring beli pineh pisan, yan tan dadi andeng ratu, kayune nyadia salulut, titiang pamit pisan mati, krana nglalu dipejah, ban munyi tuara kagugu, nah kadung bebasang, pekayun beline mangkin, mangda sinah antuk titiang. " I Rudita ia sumawur.
12. "Sapunika kayun adi titiang nyadia, pinunas titiang ring ayu, nah kewala pang mulus, ayah tingkah anggon ciri, titiang pamin jani pesuan." "Nggih matangi beli bagus.', ngraris ia diwangan, kakamare juwa mangungsi, Ketut Oka ngancing duara, ngararis dane aturu.
13. Tan kocap rahina wengi sampun lemah, suen ipun kalih uku, I Wayan
