223. Ida gede pada saur manuk, atuang pangucape, bapa ngi-
ring kayun Gusti, Bagus Diarsa muwus, inggih ida maha
biksu, makarya cor pacecira, sang para sogata muwus , ing-
gih bapa mangiringang, tan kocap janjine pragat.
224. Tumuli kacoran sampun puput, kaulane kabeh, para menak
para Gusti, kadang wargane rauh, misan mindon muah
mingtelu, mabred bareng padadiane, pada ngaturang pa-
nungkul, atep mangaturang sumbah, ring Gusti Bagus Diar-
sa.
225. Sang kasumbah mesem tur amuwus, kema ke brayane,
da cai mangendenin, layone Gusti Agung, benehang jua
sok puput, panjake pada pagedab, manegen ka sema gupuh,
manggaenang patulangan, tunjel lantas abriakan.
226. Tan kocap jani sampun dalu, benjang pasemengan, Bagus
Diarsa katangkil, kadang wargane rauh, nebengin I Gusti
Bagus, tan ucapen ida gede, Gusti Sulaksana rauh, sareng
Gusti Samirana, kenehe jejeh mangruntag.
227. Akuda bangke gara di kayun, jejeh san atine, di bucuma-
ti malinggih, norek tanah manguntuk, laad mikuh dadi
sangkur, busan-busan manyerere, ngiwasin Anake Agung,
kaden ragane kraosang, bes ririh liunan daya.
228 . Baan pajalane malu-malu, bes kalintang jele kirang we-
las luih runtik, tur sapa kadi aku, premanane ngulah rahayu,
tani tutur tani sastra, samanya mamikul pisuh, siapa wani
ring ragane, Gusti Agung anggen kemitan.
229. Kaden pacang jumeneng satuuk, di jalane kene, pangras-
an awak bes asin, ento palanyane pangguh, pantes tani nuut
sikut, cangcanga baan barere, manglalu awake takut, du-
duta ba pagawene, sangkan arang anak suarga.
230. Kocap tingkah dane Gusti Agung, munggaiang panang-
kilan, semia srenggara manis, ngandika sungsung guyu,
tan wenten reged muang jendul, jati tuah jana nuraga, asing
pangandika metu, mangleganin panangkilan, nyandang ma-
72
