tembok masurak, lan mambedil gumaredag.
215. Bagus Diarsa masisig ambuh, pacang mapuputan, pangang-gene sarwa putih, siape makekruyuk, tumuli raris mawuwus, da jejeh atin caine, joh cai pacang pakewuh, ne te iwasin nira, ira jani mangawakang.
216. Saksana asalin rupa ipun, marupa Garuda, Bagus Diarsa negakin, makebur manggerudug, angin-angin kadi kerug, sing papas sikepe sag, kalilih paseleng tuuk, angob mange-not Garuda, yen apa ja to adannya.
217. Bagus Diarsa ngenah di duur, mawarna Betara, sing kapa-rag pada malaib, mausung-usungan grubug, saleng jejek sa-leng tuuk , liu matatu ban tumbak, ruang magandeng matuntun, kelet bilang rurung, marga, tuara da menolih la-ad.
218. Kayu-kayu kakayonan rubuh, ban angnung elar, umah engkab palengketik, liu pada pajengku, bangke sing jalan pajinkrung, mati baan tumbak roang, upami jatmane ta-kut, petik mangenot kaleyang, jehjeh takut masangidan.
219. Jatmane liu kauluhuluh, baan sang Garuda, pajerit pada mangeling, ada nduuh mangulun, Gusti Sulaksana bulus, malaib I Gusti Nyoman, kablet dane lantas nungkul, manyengku manyumbah-nyumbah, titiang manunas uripang.
220. Bagus Diarsa kapiwelas kayun, suka manguripang, panja-ke pada pajerit, nunas unp manungkul, pajongkok makumpul-kumpul, sampun sami kanugrahan, I Bagus Diarsa tedun, titib kaparek ban panjak, pada nunas kajanjinan.
221. Ida Gede Siwa Buda rauh, ada petang dasa, para santana mangiring, sami pada manyabuk, mamepes masabda alus, duh Gusti Bagus Diarsa, sampun mamanj angang sungsut, bapa mangaturang awak, bapa wantah mangaula.
222. Kayun-kayun I Gusti nguduh, bapa mangiringang, tan pi-wal sadede singgih, Bagus Diarsa gumuyu, tumuli alon amuwus, sampun padanda sangsaya, doh manah titiang mamusuh, ring ida maha pandita, padanda patirtan titiang.
71
