sana matur, Gusti Agung titiang nunas, ngiring mirahe aku-tus, miwah wintene asia, pacang busana landeyan.
207. Gusti Nyoman Sumirana matur, titiang sapunika, manunas selut garantim, Gusti Agung gumuyu, tumuli alon amu-wus, nah ke tajinin siape, Bagus Diarsa anuun, tan kocap puput mabulang, I Gusti Agung makembar.
208. Ka tengah tangkise abra murub, mesem tur angucap, baya iba Diarsa jani, timbungan mungguing jembung, bubuh embon samanipun, mabriag rame kedeke, Gusti Sulaksana muwus, dong macebur ke satiane, mungpung baane nu ba-rak.
209. I Bagus Diarsa mendep nguntuk, ka tengah makembar, ula-te jejeh mangilgil, manglebang siap sampun, siape jerih kaburu, mailehan ring kalangan, suryake mambatarubuh, I Gusti Agung manyurak, mamengkeng ngagem sesatang.
210. Di pahiunane I Gusti Agung, mabalik siape, manarung ngru-ket mangitik, matine ijo sangkur, I Gusti Agung kajuluk, keni telek ring lambunge, tumuli tiba kaantu, paramanca-ne rantaban, manulung ada manyundang.
211. Katungkul kabioyongan muug, pada kamemegan, Bagus Diarsa ka sisi, mirahe saup kadut, siape nambung nggegana, manutug uli di pungkur, teked jumah masalinan, lantas nugel patin tumbak.
212. Kocap anake batan tetarub, pada makolongan, Gusti Agung karempegin, panyampi akeh rauh, pambabayon tetep bayu, ada mangengkahin karna, premanane sayan surud, Gusti Agung sampun lebar, elinge kadi ampuhan.
213. Gusti Sulaksana ngembus duung, miwah Gusti Nyoman, Samirana ngunus keris, sampun mangebug kulkul, panjake teka patlebus, sikepe katah mangambiar, pajalane pageerubug, ngojog umah I Diarsa, sampun ngatepang kiteran.
214. Gusti Sulaksana uli kauh, dane Gusti Nyoman Samirana uli kangin, rame pada pakauk, Bagus Diarsa dong pesu, jani nahang kadirane, panjake jani pagrubug, mangregah
70
