198. Raris mangandika Gusti Agung, I Bagus Diarsa, wenang ya dosa ping kalih, dosannyane sep tedun, wenang dosa pitungatus, kocap di awig-awige, buin ban siapnyane ang- gun, masih yogia katengahang, kocap wenang dosa domas.
199. Apang jani jua manaur, yen lebih aleban, nikel dadi telung tali, I Bagus Diarsa naur, dosa pitungbangsit satus, kedeke sada mabriag, siap jerih dosa payu, ririhe di beten angkah, kene dadi tan pataka.
200. Len pacadi ada teka nyeluk, siap I Diarsane, mangeleg tur mangentetin, keak-keak mangauk, ngandika I Gusti Agung, deh mai aba siape, tumli raris kaatur, dadi galak macok tangan, tur mangitik mangrudutang.
201. Dadi kagiat dane Gusti Agung, manyambut siape, tumu-li ngandika aris, kala galakin ipun, Bagus Diarsa maatur, titiang ratu sauh pajar, asing nyak galakin, ipun, titiang wan-tah maglawanang, matoh mirah atakilan.
202. Malih ngandika I Gusti Agung, kola galakina, payuke lawanang jani, I Bagus Diarsa matur, titiang ngiring dewa- ratu, metoh mirah atakilan, ngandika I Gusti Agung, engken bakal to ibane, apang kola tatas nawang.
203. Takilane magangah kaatur, katon winten mirah, paseleh-seh becik-becik, meled I Gusti Agung, asemu guyu, umuus, kudiang kola to manglawan, kadenanga kola buduh, manu-sa manglawan siap, mapan tuara perah anak.
204. Deh seluk siape ijo sangkur, to anggon manglawan, siap metoh dasa keti, Bagus Diarsa matur, titiang jerih dewa ra-tu, mapan tan wenten nyak galak, ngandika I Gusti Agung nah te pasakitang lawan, kelegin bisan busanang.
205. Pramancane sami masaut, iring pakayunan, yen tong nyak ya pacang irid, penekang ka perau, urupang baan apiun, Bagus Diarsa ature, titiang mindah dewa ratu, titiang nu-nas pangampura, titiang ngiring pakayunan.
206. Gusti Agung tan pegat gumuyu, kendel san atine, nyingak mirah witen becik, manyager pacang camput, Gusti Sulak-
69
