engsap paling ira ngantenang, saget suba kelih bagus, asali- an rupa birawa, suabawane kajatmikan.
190. Ni Sudadnyana raris muwus, dija si genahnya, ipune anak I Gusti, Bagus Diarsa muwus, mabisik ring nene eluh, pu-put sampun kapradata, nene eluh asemu guyu, linge kapra-nantika, tumuli raris angucap.
191. Punika punapi Gusti bagus, ne di takilane, Bagus Diarsa nyaurin, paicang Sanghyang Guru, pacang toh siape bau, tumuli raris kagah-gah, katon mirah winten murub, ngan-corong tejane abra, pantes tuah panganggon raja.
192. Ni Sudadnyana raris muwus, Gusti maajengan, suryane teduh wus lingsir, Bagus Diarsa muwus, kema ke dabda-bang malu, ne luh raris nyaregseg, ka paon masoda iju, pu-put ngamesuang daar, Bagus Diarsa majengan.
193. Tumuli usan dane manyekul, madaaran sedah, ayame sai uningin, tan pegat nangken dalu, burat wangi dupa arum, kaunggahang di sanggahe, ada suba sia dalu, sagetan teka arahan, apang mangadu ka desa.
194. Pangandikan dane Gusti Agung, tohnyane wawiden, mangenakin kayun Gusti, ento Gustine wibuh, ngodakang sakembang taun, ring negara surakrama, jani kocap Gusti Agung, sampun ka jaba maklecan, para babotohe atep.
195. I Bagus Diarsa jani rauh, manadtad guungan, mangaba siap abesik, siape lunjak-lunjuk, jerih bulunnyane anggun, sing jalan ejeng ngarekkek, para babotohe gumuyu, kedeke mambatarebah, ada len kedek angucap.
196. Dija kabakatang siap anggun, lawat takutina, ada len buin nambungin, mamunyi asemu guyu, bas ngenahang tani mam-puh, kene mbocokin tetajen, ameng-ameng Anak Agung, bastan manut ken krama, siap jerih kaatehang.
197. Bagus Diarsa masaur guyu, sebet ulet merang, mangkin tiang masesangi, sing nyak galakin ipun, titiang durus pa-cang ngadu, mangetohin mangde katah, juang sok urane payu, yadin jatma galakina, titiang teka manglawanang.
68
