makebur, ne padang mulih ka suargan, apan cirin anak melah.
182. I Bagus Diarsa tan pakenyuh, andarung lampahe, katon gunung-gunung sami, masapu-saput limut, ngendepang raris manuju, pucak gunung Kelasane, andarung tekening pucuk, katon arah-arah desa, kekayonan suba tinggar.
183. Bagus Diarsa mangraris tedun, andarung lampahe, saget pagagan kapanggih, wang gununge katepuk, liu pada kumpul-kumpul, kancan soroh pangangone, nambus kasela muah jagung, len ada manunu balang, len ada macecandayan.
184. Anake nunggu gaga makudung, rame di rawune, ada manyuling manyungklik, ada manabuh kulkul, ana nganyi padi rawu, luh muani maderek-derek, ada manegen manyuun, mangaba dadah kalongkang, ada len noktokin jaka.
185. Bagus Diarsa pajalane ndarung, liwat ring pagagan, carik abian wus kauri, gelis crita sampun rauh, di negarangelaut, lingsir suba teked jumah, ne eluh kalintang gupuh, mangabayang wajik tangan, keto cirin bau teka.
186. I Bagus Diarsa dane gupuh, manyemak guungan, iju mangancak-ancakin, siape lantas seluk, uli di kisane pesu, augang ka guungane, pejang di sanggah di duur, di bataran kamulane, lintang baan ngutamayang.
187. Tumuli raris angucap alus, nyai Sudadnyana, kema ngae burat wangi, bantenin siape bau, asep menyan majegau, Ni Sudadnyana nyaregseg, mangawe bebanten gupuh, ngoreng pacang tadah sukla, tan kocap bantene pragat.
188. I Bagus Diarsa lantas manjus, maseh sarwa anyar, mangreges masaput putih, jejambulan bebek sangkur, maban ten sampun puput, asep mijil maimpugan, pantes tuah mirib pamangku, manyumbah-nyumbah di sanggah, suabawane kajatmikan.
189. Suude mabanten lantas pesu, negak di bataran, pakalihan luh muani, Bagus Diarsa amuwus, panak nyaine katepuk,
67
