demenin, awasang menek tuun, ngandika Betara Guru, nyanan di petenge cidra, jalannyane makeruyuk, ditu karoan ban iba, ne pacang demenin iba.
174. Bagus Diarsa manyumbah matur, sandikan betara, tan kocape sampun wengi, Bagus Diarsa laut, masare di beten meru, wiatara sampun das lemah, siape lantas makruyuk, mamunyi cara jalema, mangorahang lelawanan.
175. Ne sangkur jani makruyuk, nyambat lelawanan, Gusti Agung lawan kai, mati dane nyapitus, Bagus Diarsa gumuyu, ne ko nyandang pamitang, tan kocap rahina sampun, suryane abu, dumilah, manyuluhin kang buana.
176. Batara atangi sampun adius, lumekas amuja, gandaning dupa mrik minging, cendana lawan guru, wusirayoga tumurun, alungguhang padma ratna, raris mangandika alus, kenken to Bagus Diarsa, engken siape kajuang.
177. Bagus Diarsa matur pakulun, sa sangkur punika, pamitang titiang ne mangkin, nah juang to aukud, apang melah iba ngadu, ne aba tajinnyane, tohin baan sarwa santun, to bu ngan ratnane barak, miwah putih alap iba.
178. Nene barak mirah sekar ipun, sarwa mautama, masekar winten ne putih, raris kaimpuk-impuk, atakilan katah ipun, Bagus Diarsa manyumbah, malih ratu titiang matur, titiang mapinunas tirta, wenten sangun titiang budal.
179. Manggut Ida Sanghyang Dewa Guru, I Bagus Diarsa, tumurun raris masuci, wuse masiram laut, katirtain suba puput, Betara ajayajaya, sida saja manggih ayu, dirgayusa paripurna, tan kataman upadrawa.
180. Wuse matirta raris tumurun, Betara ngandika, kema iba jani mulih, ne ambah beneh kauh, Bagus Diarsa anuun, mapamit raris manyumbah, I Wiracita wotsantun, manyumbah teken i bapa, Bagus Diarsa majalan.
181. Liwat lawangan mambeneh kauh, ngambara lampahe, tan pendah kadi mangipi, Bagus Diarsa tumurun, tan pendah cantaka nglayung, pakebere mangambara, waluya atma
66
