165. Tanding-tanding kalegane ditu, ken sakit panjake, da ngulahang demen ati, asing makrana sungsut, ento pikpik da mangulur, panjake sampi samanya, pangangonnya Anak Agung, yan patut baan ngangonang, ya mokoh tanduke renggah.
166. Lanying tajep nyen bani ngejuk, ngeras ya anake, yennya payah etuh aking, sing jalan padang etuh, kema lakunya manyunut, salah tindakan kataban, apa sih anggon manebus, ngenah beloge ngangonang, kakedekin baan pisaga.
167. Awake daropan belog utun, manyaplok barene, tuara tawang misi pancing, tulus payu matambus, to ingetang apang kukuh, da engsap teken sastra, Ida Gede sai pundut, ajak mangraosang sastra, mangde purnamaning jagat.
168. Kagawisayane da ngulur, ada mangeretang, da tuara mandemenin, apang ada kapilug, katenger ban anak liu, bakat dadi undukinya, lamun benya ngelah musuh, ento anggonya upaya, dadiang abe di tukad.
169. Apan tetlu dadi pangulu, yan umungguing sastra, Sanghyang Ongkara kapuji, ento dadi pangulu, Pramasiwang gan ipun, yan ring negara sang nata, sada Siwa anggan ipun, yan ring gunung sang Brahmana, apan to rumaga Siwa.
170. To da maang belas ne tatelu, dadi tri purusa, sekala niskala becik, Bagus Dirasa nuun, manyumbah-nyumbah maatur, sandikan lda Betara, sapawecana Hyang Guru, sampun sumusuping manah, tutug ring duadasa guna.
171. Hyang Guru malih ngandika alus, kema malu iba, matelah telah raradin, apang masisig ambuh, Bagus Diarsa wotsan tun, tumuli raris masiram, di pancorane papitu, sapta tirta suda mala, purna klesaning awak.
172. Sampun kaicanin pasusuguh, geneping sadrasa, Betara ngandika, aris, kema ke iba ditu, awas ya siape tatelu, juang sing demenin iba, to tongos di beten meru, maderek di batarane, Bagus Diarsa manyumbah.
173. Lantas mangiwasin siap ditu, emeng di atine, maka tatiga
65
