ten mangadu, kaborong kapaobatang, Betara ngandika alus, data ke kewehang iba, dini suba ada siap.
157. Kai maang iba siap aukud, ento gocek iba, awanan ibane melih, suka wirya tur agung, ngantinin I Gusti Agung, apan ento musuh iba, kranan ibane rutrut, ento ngupayang iba, Gusti mangabletang panjak.
158. Durian yen iba suba agung, salinin bikase, da nganggon daya piranti, mamotoh iba suud, to mekada kasalimur, sagatin-gatin gawene, dadi katungkul ban tuyuh, ragawisaya makejang, da mangraketang di manah.
159. Sanghyang sastra gulik punduh-punduh, resepang di manah, susupang teked di ati, apan to tungked kukuh, krana pageh dadi agung, sastra panyuluh idepe, apang eda pati puug, manyalanang kapatutan, uger-ugerin ban sastra.
160. Tingkah panjake dabdabang malu, da maang gambura, laksananya periksain, da iju-iju ngugu, galih-galihan to malu, apang da kadunga ewer, munyinnyane malu panut, atepang ken laku lampah, ento inger apang pedas.
161. yen katangkil ditu ngalih unduk, di tebeng panjake, da teka encong mudalin, wangsa-wangsanen ditu, panjake maatur-atur, trangang da nyalumurang, ne salah teken ne patut, to gulik inger di manah,mani puan donga karwan.
162. Mamunyi purukin da sigug, maperemin panjak, pipitang teked ke ati, tidong ban kamben saput, makada panjake lulut, kapatutan pangraose, mangda panjake anut, yan marasa kaungkulan, ban kapatutan pangrasa.
163. Panjake da mambaang lucu, campah puaranya, sama beda ya gisi, linte apang patut, munyi seken apanga alus, tate te ujar ajer, siakarana apang patut, apang yatna jeroning manah, apang da banya kacluag.
164. Yen ada prebekel matur-atur, eda ngaramangang, apang seken ban manampi, tatasang ukud-ukud, da mambaang salah surup, simpen ingetang di manah, mata bibih cidra ditu, yen ada lawan tong ada, ya manguda tuara karoan.
64
